Kalaallit Nunaanni nakorsiarnemi puakkut kræfteqalersimasut misissortinnerat nakorsartinnerallu

Ilisimatooq: Umbreen Yousaf, nakorsaaneq, Dronning Ingridip Napparsimmavissua

Sammisaq, siunertaq aamma apeqqutit:
Una ukiut 1987-2023 akornanni puakkut kræftimik nappaateqalersimasut puakkut kræfteqalernermi naappaatip suussusersineranik, nakorsartinnerup aammalu malittarineqarnermik kingumut qiviarluni misissuineruvoq. Paasissutissat Kalaallit Nunaanni nakorsat journaliliaannit pissarsiarineqassapput.

Kalaallit Nunaanni kræfti pissutigalugu toqusartut nunani avannarlernut allanut naleqqiullugu amerlanerusut erserpoq. Puakkut kræfteqarneq Kalaallit Nunaanni kræftini takussaanerpaat ilagaat. Misissuineq una annerusumik Kalaallit Nunaanni puakkut kræfteqalersimasut misissortinneranut nakorsartinnerannullu kiisalu puakkut kræfteqarsimanerup kingorna inernerinut tunngasuuvoq.

Tamanna misissorneqartarnerit paasilluarniarlugit misissuiffiusumi pisariaqartinneqarpoq. Kalaallit Nunaanni napparsimaviit annersaani misissueriaatsit pissutsillu eqqarsaatigalugit misissuinerup ingerlanneqarnissaa iluatinnartortaqarpoq. Misissuinerup uuma siunertaraa toqusut amerlassusaannut suut peqqutaanersut paasiniarnissaat, taamaalillutik puakkut kræftimik nappaatillit passunneqarneranni nappaammik aniguisut amerlinissaannut iluaqutaasinnaaniassammat.

Inuiaqatigiinni kalaallini piginnaanertusaanermi periutsit:
Misissueqqissaarneq una inuiaqatigiinnut kræftimut paasissutissanik takussutissaqalersitseqataassaaq peqqinnissaqarfimmillu saqquminerulersitseqataassalluni. Misissueqqissaarneq peqqissinnaqarfik nunap iluani puakkut kræftillit nappaateqarneranni ingerlanerat pitsaanerulernissaanut paasissutissanik tunniussissaaq. Aammattaaq inuiaqatigiinnut ersiutit suut eqqumaffigineqassanersut suullu nakorsiunneqartariaqarnersut eqqumaffeqalersitsissaaq.

Inuiaqatigiinnut saqqummiussinermut periusissaq:
Misissuinerni paasisat atuagassiutitigut saqqummiussinikkut aammalu inuiaqatigiinnut paasinartumik oqaasertalersorlugu saqqummiunneqartassallutik.

Aningaasaliissutit: DKK 92.000