Utoqqaat namminneq angerlarsimaffiminniittut – nukissat illoqarfeqatillu

Ph.d.-nngorniaq: Mona Koch Madsen
Suliniut Ilisimatusarfimmi, Ilisimatusarfiup issittumi atugarissaarneq pillugu ilisimatusarfiani, Isumaginninnermut Immikkoortortaqarfimmi; aamma Syddansk Universitetip nunatsinni innuttaasut peqqissusiannik ilisimatusarfiani ingelanneqassaaq.

Suliniummi utoqqaat nukissaat Kalaallillu Nunaanni illoqarfimminni tunniussassaat pillugit misissuinissaq siunertaavoq. Kalaallit Nunaanni utoqqaat amerliartortillugit, utoqqaat peqqissuujuaannarnissaat periarfissaatikkumallugu, aaqqissuussaasumik atugarissaarnerup ineriartortinnissaa pingaaruteqarpoq. Suliniummi ilisimatusarnikkut paasiniagaavoq utoqqaat nukissaat qanoq isigineqartarlutillu malugineqartarnersut qanorlu ineriartornermi peqataatinneqarsinnaallutillu ataatsimoorfiit attatiinnarsinnaaneraat.

Suliniummi periuseq atorneqartussaavoq Sisimiuni nunaqarfittaanilu Sarfannguani utoqqaat namminneq angerlarsimaffimminniittut ulluinnarni suliani peqataaneranni inuiannik ilisimatusarneq (etnografi). Taakku saniatigut oqaloqatiginninnerit apersuinertallit aammalu sharing circlesimik taasartagaat atorlugit utoqqarnit, inuiaqatigiinni eqimattanit sulisunillu paasiniaanermi atorneqassapput. Paasissutissat immikkoortiterneqarlutik misissorneqaqqissaassapput.

Suliniutip siunertaraa inuit ataasiakkaanut, inuaqatigiinnut aaqqissuussallu iluarusussagunik ineriartussagunillu suut iluaqutaasinnaanersut siuarsaasinnaanersullu paasinissaat. Siunertamut ilaasoq aamma tassaavoq utoqqaat immikkoortitaasutut kiserliortutullu misiginnginnissaat, misilittagaat, ilisimasaat, pigissaasaat kulturiallu inuiaqatigiinnut nalitummata. Suliniutip inerneri saqqummersitsinermi takutinneqassapput, inuiaqatigiinni ineriartornermut saqqummiinertut siuarsaanissamullu akuliunnertut atorneqassalluni.

Aningaasaliissutit: DKK 2.484.000