Mitdlarak Lennert Nunatsinni Ilisimatusarnermik Siunnersuisoqatigiinni siulittaasutut tunuarpoq Nunatsinni Ilinniartitaanermut Siunnersuisoqatigiit siulittaasunngornini pissutigalugu. Toqqarneqarnera suliaqarnikkut ineriartorneranut pingaaruteqarpoq, ilinniarnertaanermimi ukiorpassuarni tunniusimalluni suliaqarsimanerata ingerlateqqissinnaaneranut periarfissaalerpoq.

“Nunatsinni Ilisimatusarnermik Siunnersuisoqatigiinni siulittaasuusimanera tulluusimaarutigaara, siunnersuisoqatigiinilu ilaasortat suleqatigisimaneri Kalaallillu Nunaanni ilisimatusarnerup silarsuaa qujamasuutigaakka. Nunatsinni Ilinniartitaanermut Siunnersuisoqatigiinni siulittaasutut suliassap tigunissaa qilanaaraara aammalu ilinniartitaanermut politikkinik aaqqiissutissanillu nutaanik Kalaallit Nunaata ilinniartitaanikkut pisariaqartitaanik qulakkeerisinnaasunik ineriartortitsinermut sunniuteqaqataanissara qilanaaralugu”, Mitdlarak Lennert oqarpoq.

Mitdlarak Lennert ilisimatusartutut ilinniartitaanermut systemini aqutsinermik nalilersuinermillu periaatsinik immikkut ilisimasaqarpoq. Ilisimatusarnikkut misissuinera Kalaallit Nunaanni meeqqat atuarfiisa aqunneqarneri pillugit oqallinnermi kiisalu ilinniartitaanerup iluani nutarterinermi suliaqarnermi qitiusimavoq. Ph.d.-nngorniarnerminut atatillugu ilinniartitaanermut siunnersuisoqatigiinnik pilersitsinissamik pisariaqartitsineq immikkut sammivaa – innersuussutaalu maanna piviusunngulerpoq, tassanilu nammineerluni atuutsinnissaa periarfissarilerlugu.

Mitdlarak Lennert Nunatsinni Ilisimatusarnermik Siunnersuisoqatigiinni februaari 2024-miit siulittaasuuvoq.

Nunatsinni Ilisimatusarnermik Siunnersuisoqatigiinni siulittaasup tullia Lorenz Meire Naalakkersuisut nutaamik siulittaasumik toqqaanissaata tungaanut siulittaasutut atuutissaaq.