Maanna 2025-mi ilisimatusarnerup siuarsarnissaanut aningaasaliissutaasussaassanut allagarsiussaq saqqummersimalerpoq. Ukiup ingerlanerani missingersuutit 1,2 millioner koruuniniknaleqarput, aningaasaliissutinullu qinnuteqarsinnaaneq ataasiarluni pissaaq 1. marts killigitinneqarluni.
Nunatsinni Ilisimatusarnermik Siunnersuisoqatigiit matumuuna ilisimatusarnerup siuarsanissaanut aningaasaliissutinut kingusinnerpaamik 1. marts 2025 qinnuteqaqqusipput.
Sumulluunniit tunngasunut ilisimatusartut suliniutiminnut DKK 250.000 tungaanut qinnutigisinnaavaat. Aaqqissuussami suliffeqarfiit akimorlugit suleqatigiinnissamut inuiaqatigiinnillu aallaaveqarnissaanut kajumissaarisussatut ilusiligaavoq. Qinnuteqartunut piumasaqaataavoq suliniut qinniutigineqartup nunatsinni ilisimatusarnermut attuumassuteqassasoq.
Aaqqissuussaq Namminersorlutik Oqartussat Ilisimatusarnermut kontoanit aningaasalerneqarpoq (konto 64.30.01).
Webinarernissamut peqataaqqusissut
Nunatsinni Ilisimatusarnermik Siunnersuisoqatigiit ilisimatusarnermik siuarsaanissamut aningaasaliissutit allagarsiussaq pillugu 30. januar, 2025 nunatsinni nalunaaqutaq malillugu nal. 11:00-12:00 pisussamut peqataaqqusipput.
Tassani allagarsiussaq pillugu qinnuteqarnissamullu piumasaqaatit nalinginnaasut aammalu siunnersuisoqatigiit suleriaasiat nalilersueriaasiallu pillugit saqqummiisoqassaaq
webinari nalunaaquttap akunnerata ataatsip missaani tuluttut oqaasertaqarluni ingerlanneqassaaq. Webinarernerup ingerlanerani saqqummeereernerullu kingorna apeqquteqartoqarsinnaavoq.
Webinarerneq pissarsiaqarfigilluarneqarnissaannut innersuussutigaarput allagartaliussaq atuarneqarsinissaa.
Peqataaneq akeqanngilaq nalunaaqqaarfigeqqaartariaqaranilu. Webinarerneq qinnuteqarusussinnaasunut ilisimatusarnermik siuarsaasunut aningaasaliissutit pillugit paasisaqarusunnerusunut tulluarsagaavoq.
Webinarerneq Teamsikkut ingerlanneqassaaq immiunneqassananilu.
