Saqqummerpoq 5. januar 2024
Nunatsinni Ilisimatusarnermik Siunnersuisoqatigiit ph.d.-nngornianut postdocinullu qinnuteqaqqusinerani kingullermi siunnersuisoqatigiit qinnuteqaatit 19-it katillugit 42,4 millioner kroninik nalillit tiguaat. Ph.d.-nngorniat tallimat qinnuteqaataat akuerisaapput, katillugillu 12,4 millioner kroninik taperneqarlutik.
Ph.d.-nngorniat tallimat ukiut pingasut tulliuttut nammineerlutik ilisimatusarnerminnik itisiliillutik sammisaqassapput Ilisimatusarfimmi, Pinngortitaleriffimmi aammalu Arctic DTU – Ilinniarfeqarfik Sisimiuni. Suliniutit ilaanni ilaatigut silap pissusaata allanngoriartornera ippernat amerlassusaannut qanoq sunniuteqarnersoq misissorneqassaaq. Suliniummi allami Sisimiut Kangerlussuullu akornanni nunap sisoornissaanut aarlerinassusermik naliliissummik ineriartortinneqassaaq.
Aningaasalerneqartut tassaapput:
- Line Groth Nielsen suliniutaalu ”En kontekstbaseret og demokratisk dannende samfundsfagsdidaktik: Et interventionsprojekt i den grønlandske folkeskole” (Inuiaqatigiilerinermi ilinniartitsieriaatsineq ataqatigiissaartoq demokratimillu pilersitsisoq: kalaallit nunaanni meeqqat atuarfiani akuliulluni suliniut). Suliniut Ilisimatusarfiup ilaani, Ilinniartitsinermik Ilisimatusarfimmi ingerlanneqassaaq. Atuaruk.
- Mona Madsen suliniutaalu ”Ældre i eget hjem – ressourcer og lokalsamfund” (Utoqqaat namminneq angerlarsimaffimminniittut – nukissat sumiiffinnilu inuiaqatigiit).
Suliniut Ilisimatusarfimmi, Ilisimatusarfiup issittumi atugarissaarneq pillugu ilisimatusarfiani, Isumaginninnermut Immikkoortortaqarfimmi; aamma Syddansk Universitetip nunatsinni innuttaasut peqqissusiannik ilisimatusarfiani ingelanneqassaaq. Atuaruk. - Rikke Østergaard suliniutaalu ”Whiteness, Power Structure, and Self-Determination in Greenland: Contrasting Views of Sovereignty in the Lens of Critical Race Theory”. Suliniut Ilisimatusarfimmi, Kulturimik, Oqaatsinik oqaluttuarisaanermillu ilisimatusarfimmi ingerlanneqassaaq. Atuaruk.
- Steffen Nielsen suliniullu ”Nuna Sisoortoq – Natural Hazards of Mudslides and Permafrost Detachment in Sedimentary Environments”. Suliniut Arctic DTU – Ilinniarfeqarfik Sisimiuni; Aarhus Universitetimi, HydroGeophysics Groupimi; aamma University of Alaska Fairbanksimi ingerlanneqassaaq. Atuaruk.
- Viktor Gårdman suliniullu ”Understanding the Ecological Role of Biting Flies in Greenland”. Suliniut Pinngortitaleriffimmi, Avatangiisinut Aatsitassanullu immikkoortortaqarfimmi; aamma Swedish University of Agricultural Sciences, Department of Ecologymi ingerlanneqassaaq. Atuaruk.
Suliniutit taperneqartut tamaasa pillugit uani atuarsinnaavatit.
Ilisimatusarnermi nukinnik ineriartortitsineq
Ph.d.-nngornianut aamma postdocimut pilersaarusiaq kinguaariit tulliuttut nunatsinni ilisimatusarnermut tapiinermi ineriartortitsinermilu Nunatsinni Ilisimatusarnermi Siunnersuisoqatigiit suliaanni pingaarutillit ilaagaat.
– Ph.d.-nngornianut postdocinullu tapiisarnitsinni ilisimatusartut inuusutuut ilisimatusarnissaannut periarfissaqartittarpagut, taamaalillutik ilisimatusarnerminni ineriartornerannut soqutiginarsaaqataasinnaalluta. Ph.d.-nngorniat aamma ilisimatusarfinni ilisimatusarnikkut piginnaanertusartarput suliartik ilutigalugu piginnaanerat suli alliartuinnarsinnaalluni, Nunatsinni Ilisimatusarnermik Siunnersuisoqatigiinni siulittaasoq, Josephine Nymand oqarpoq.
Erseqqinnerusumik paasissutissat
Allatsi Maliina Jensen, Nunatsinni Ilisimatusarnermik Siunnersuisoqatigiit, tlf. +299 361200 / +299 222090, e-mail: maje@nis.gl
Josephine Nymand, Nunatsinni Ilisimatusarnermik Siunnersuisoqatigiinni siulittaasoq, tlf. +299 361234, e-mail: jony@natur.gl
