Inuiaqatigiilerinermi ilinniartitseriaaseq ataqatigiissaartoq inuiaqatigiinnut tamat oqartussaaqataanerannik pilersitsisoq: Kalaallit Nunaanni meeqqat atuarfianni akuliulluni suliniut
Ph.d.-nngorniaq: Line Groth Nielsen
Suliniut Ilisimatusarfiup ilaani, Ilinniartitsinermik Ilisimatusarfimmi ingerlanneqassaaq.
Ph.d.-liaq meeqqat atuarfiini inuiaqatigiilerinermi atuartitsissutit siunertaanit nutaanit 1. august 2023-mi atuutilersumit aallaaveqarpoq.
Atuartitsissutit siunertaanni nutaani inuiaqatigiilerineq oqaluttuarisaanerlu immikkoortinneqalerput, inuiaqatigiilerinermi atuartut siornatigumut naleqqiullugu demokratimi peqataanerulernissaat pingaartinneqarnerulerluni. Atuartitsitsissutit siunertaanni ilaatigut assersuutitut allaqqavoq ”Atuartitsinerup siunertaraa atuartut inuiaqaqatigiit inuiaqatigiillu ineriartornerisa eqqarsaatigilluakkamik isummersiginissaannut piginnaasaqartitseqataalernissaq, aammalu ”Inuiaqatigiinnut tamat oqartussaaqataanerat tunngavigalugu ingerlasunut ineriartornerannullu namminneq suliniuteqarlutik peqataanissamut atuartut piginnaasaqalissapput”.
Atuartitsissutit siunertaat nutaani nunat allat assigalugit atuartut innuttaasutut tamat oqartussaaqataasunngortussatut piareersarniarlugit inuiaqatigiilerineq inissisimalerpoq. Kalaallit Nunaanni inuiaqatigiilerinermi ilinniarititsisut taamallillutik nutaamik suliassaqalerput, suli pisunut attuumassutilinnut ilinniaritseriaatsinik ilisimatusarnermik tunngaveqartumik ineriartortitsisoqanngitsoq.
Ataatsimut isigalugu ilisimatusarneq ilinniartitseriaatisumut atuartitsinermik aallaveqartunut tunngasoq annertuumik amigaataavoq. Tamanna isumaqarpoq meeqqat atuarfiini ilinniartitsisut nunanit allanit ilisimatusakkat – ilaatigut Danmarkimeersuukkajuttut, aallaavigalugit ilinniartitseriaatsit atortaraat. Taamaalilluni ilinniartitsisut atuartitsinerminni tunngaviat atuartut imaluunniit inuiaqatigiit kulturilu atuartut atugaat aallaavigalugit ilinniartitseriaaseq ineriartortinneqarneq ajorpoq. Ajornartorsiut aamma inuiaqatigiilerinermut ilinniartitseriaatsimut atuuppooq, maannamummi Kalaallit Nunaanni ilisimatusarfigineqarsimanngilaq.
Ph.d-liap uuma siunertarivaa atuartitsissutini ilinniartitseriaatsit pillugit ilisimatusarnermut pisariaqartitsinerup akuerinissaa, tamat oqartussaaqataaneranni perorsarsimassutsimik inuiaqatigiilerinermi ilinniartitseriaatsimik atuarfinni atorneqarsinnaasussamik tunniussaqarnikkut.
Suliniutip ataatsimut marlunnik siunertaqarpoq:
1. Siullertut, suliniutip unammilligassat periarfissallu suut inuiaqatigiilerinermi ilinniaritsisut atuartut tamat oqartussaaqataanerat pillugu ineriartortitsillutik sulinerminni aqqusaarnissaaneraat paasiniarneqassapput.
2. Aappaattut, suliniut Kalaallit Nunaanni inuiaqatigiilerinermi ilinniartitseriaaseq atorlugu atuartut tamat oqartussaaqataanerat pillugu perorsarsimassuseqalernissaannut ilisimasamik pilersitsissaaq.
Suliniut ilusilikkamik peqataatitsillunilu ingerlanneqassaaq, taamaalilluni ilisimatusarneq Kalaallit Nunaanni sumiiffinni aalajangersimasuni atuarfiit toqqakkat akornanni inuiaqatigiilerinermi ilinniartitsisut qanimut suleqartigalugit ingerlanneqassasoq. Inuiaqatigiilernermi ilinniartitsisut inissisimaffigissavaat ilinniartitseriaatsimik ilusilersueqataaneq, ataqatigiiussmik misilittagaqarfiusumillu ilinniartitsinermi periutsimik ”didaktiske designs”-nik taallugit – kalaalllit meerartaannut inuusuttortaannullu perorsarsimanermut siuarsaasumik ineriartortitsinissaq siunertaalluni.
Aningaasaliissutit: DKK 2.256.641
