Nuna Sisoortoq – Natural Hazards of Mudslides and Permafrost Detachment in Sedimentary Environments
Ph.d.-nngorniaq: Steffen Ringsø Nielsen
Suliniut Arctic DTU – Ilinniarfeqarfik Sisimiuni; Aarhus Universitetimi, HydroGeophysics Groupimi; aamma University of Alaska Fairbanksimi ingerlanneqassaaq.
NUNA SISOORTOQ-mi siunertaavoq qeriuaannartup aakkiartornera aammalu nittaallat sialullu annertusiartuinnartut peqqutaallutik nunat sisoortut amerliartortut pillugit paasisanik tunniussaqarnissaq. Suliniummi silap pissusaata sunniutai assigiinngitsut soorlu sialuit, kissassutsit, seqernup qinngorneri anorilu pillugit paasissutissat katersorneqassapput. Nunap ilaani aalajangersimasumi nunap sisoornerani nunap atortulersugaaneranut inuinullu navianarsinnaasut ersarissanissaanik inerneqassaaq.
Suliniut Danmarks Tekniske Universitet i Danmark, DTU Arctic,
Aarhus Universitet – HydroGeophysics Group aamma University of Alaska Fairbanks (UAF) akornanni suleqatigiissutaavoq.
Suliniut qeriuaannartumi qanoq-issutsit pingasuusut: sporadisk, diskontinuert aamma kontinuerligt peqqutaallutik annerusumik Sisimiut Kangerlussuullu akornanni ingerlanneqassaaq. Taamaalilluni inernerit Kalaallit Nunaanni assigisaannik sedimentologimut qeriuaannartoqarfinnullu sumiiffinnut allanut ingerlanneqarsinnaapput.
Suliniummi alloriarneq siulleq tassaavoq Sisimiut Kangerlussuullu akornanni nunap sisoorfigisimasai satellitikkut assilisatigut ersarissarneqarnissaat. Kingorna paasissutissat taakku katersorneqartut atorlugit nunami misissuivigineqartumi nunamik sisoorfiusinnaasut assiliorneqassapput. Assiliorneqartoq aallaavigalugu sumiiffiit aalajangersimasut soqutiginaateqarsinnaasut erseqqinnerusumik misissuivigineqarsinnaasutut toqqarneqarsinnaalissapput, tamannalu periutsit geofysiskiusut atorlugit pisussaassaaq. Periutsit atorneqartussat tassaapput towed transient electromagnetic method (tTEM), tassaasoq systemi ATV-nit snescooterinillu kalinneqarsinnaasoq, taamaalilluni Sisimiut Kangerlussuullu akornanni qeriuaannartoq misissorneqarsinnaassalluni. Periutsip aappaa tassaavoq systemi qilleraluni electric resistivity tomography (ERT), silasiorfik peqatigalugu silap pissusaani allanngorarnerit qeriuaannartumut sunniutinik pitsaalluinnartunik paasissutissiisinnaasoq.
Suliniutip naammassilernerani paasissutissat katersorneqartut tamaasa atorlugit sumiiffimmi pineqartumi ersarissumik nunap sisoornissaanut navianarsinnaasut assiliornissamut atorneqassapput. Suliaq tassunga killippat UAF aamma Masanti-Sisimiut suleqatigineqassapput.
Sisimiuni suliaqartussanut DTU-mi ingeniørinngorniat peqataatinneqassapput siunissami nunatsinni ingeniøriusussat geofysikki qanorlu Issittumi nuna qeriuaannartumi atorneqarsinnaanersoq paasisaqarfiginiassammassuk. Sisimiuni Kangerlussuarmilu innuttaasunut systemi pillugu saqqummiussisoqartassaaq, taakkulu saniatigut KTI Sisimiuni geofysik pillugu atuartitsinissamik neqeroortoqassalluni. Suliniummi inernerit tamarmik kikkulluunniit takusinnaajumaarpaat.
Aningaasaliissutit: DKK 2.635.200
