Ukiuunerani aput susarpa?
Ilisimatooq: Kirsty Langley Asiaq-miinngaanniit
Suleqatigalugu: Alexandra Messerli, ilisimatooq, Asiaq; Karoline Nordberg Nilsson, AC, Asiaq; Arno Hammann, ilisimatooq, Asiaq; Ida Bomholt Dyrholm Jacobsen, ilisimatooq, Pinngortitaleriffik; Ward Van Pelt, lektori, Uppsala Universitet-mi
Sammisaq, siunertaq aamma apeqqutit:
Missuinerup uuma Kalaallit Nunaanni Kangerluarsunnguami aputip sunniisinnaasusaa taassumalu naasunut, uumasunut inunnullu sunniutaasa paasiniarnissaat siunertaraa.
Aputip nuna poornerani illersorneranilu pingaaruteqarpoq, aakkiartornerminilu ukiunnerani angallannermut, peqqissarluni nunamiinnermi aammalu nunakkoorluni pisunnernermut sunniisarluni. Ilisimatusarnerup uuma siunertaraa aputip piffissami nutaanerusumi qangalu pisimasut aallaavigalugit takkuttarnerata sermillu silissusaata assiliornissaa.
Suliniutip Asiaq Pinngortitaleriffimmilu ilisimasat Uppsalami Universitetimi issittumi aputit assiliorneranik ilisimasanik akuleriisitsissaaq.
Misissuinermi Kalaallit Nunaannut naleqqussarlugu Kangerluarsunnguaq kalibrererfittut atorlugu paasissutissarpassuit aallaavigalugit Kalaallit Nunaanni siullerpaamik aputinut assiliornissaq misilerarneqassaaq. Ilisimatusarnermi paasiniagassaapput apummi allannguutit, sikup pinngorneranik taakkulu naasunut attuumassuteqarnerat.
Suliniummi apummik assiliaq pitsaalluinnartoq, paasissutissanik pioreersunik atuisoq aamma attaveqaatit ataqatigiissut paasissutissanik katersinermi FAIR-imi suleriutsit malillugit ingerlanneqassaaq. Periutsimi toqqakkami nukinnik oqimaaqatigiisitsisumik apummut assiliornermik atuinermik ilaqarput, taannalu assiliornermi paasissutissat aqqutigalugit, kalibreringimi tatiginassutsimullu suleqataasumit Van Peltimit ineriartortitaavoq. Misissuineq paasisanut naleqarluartunik, misissuiffimmi aputip pitsaanerusumik Kalaallit Nunaanni atorneqarsinnaanissaanut assiliornissamut siammasinnerusumut aqqutissiuussinermik tunniussisissaaq.
Kalaallit Nunaanni piginnaanertusarnermut periutsit:
Una suliniut Kalaallit Nunaanni pinngortitalerinermi ilisimatusarfituaasut Asiaq aamma Pinngortitaleriffik aamma Uppsala Universitetip akornanni suleqataaffiuvoq. Suliniummi taakkunani pingasuni sulianik ingerlareersunik atuilluni ingerlanneqassallunilu sumiffimmi piginnaanerit ilisimasallu akulerullugit ingerlanneqassaaq. Kangeluarsunnguami apummi misissuinermi kandidatinngorniaq ataaseq peqataassaaq.
Inuiaqatigiinnut saqqummiussinermut periusissaq:
Suliniummi aputip piginnaasaani uumassuseqatigiiaat taakkunanilu oqaluttuarisaanermi pisut allannguuteqarnerat pillugit allagaammik uteqqitamik artikeliliornissamik tunaartaqarpoq. Suliniut taassumalu inerneri nalaagaaffiup iluani (Greenland Science Week) nunallu akornanni (aas. EGU, ASSW, IASC/NAGS) aaqqissuussani, ataatsimeersuarnerni, workshopertitsinermi ataatsimiinnernilu saqqummiunneqartassapput. Facebookikkut aamma X-imi nutaarsiassaateqartilluta suliniutip ingerlanerani suliffeqarfiit peqataasut aqqutigalugit ikkussisassaagut.
Aningaasaliissutaasut: 248.544 DKK
