Tusagassiuutit 2018 – En kortlægning af de grønlandske medier (Kal: Tusagassiuutit 2018 – Nunatsinni tusagassiuutit erseqqissarneri)
Aqutsisoq:
Signe Ravn-Højgaard
Sammivik suliffillu:
Inuiaqatigiilerineq/ Ilisimatusarfik
Qulequtaq:
Tusagassiuutit 2018 – En kortlægning af de grønlandske medier
(Kal: Tusagassiuutit 2018 – Nunatsinni tusagassiuutit erseqqissarneri)
Allaatigisaq:
Ilisimatusaatitut suliniummi “Tusagassiuutit 2018”-imi Tusagassiornermik Ilisimatusarfimmi Nunatsinni tusagassiutit isikkorisaa erseqqissarniarpaa ukiorlu allorlugu tusagassiutit nutaarsiassiisartut imarisaat ukioq manna aallartittumik misissussallugu.
Misissuinermit inernerit tusagassiutit pillugit inuiaqatigiinni oqallinnermik annertusaasaasussamik pitsanngorsaataasussamillu nalunaarusiami atuaruminartumi saqqummersinneqassapput.
Taamaasiullattaarluta tusagassiutini ersertartut allanngortarneri, soorlu kikkut oqaaseqartartuusut, sammisat sorliit eqqarsaatersuussat sammineqarnerusartut uppernarsissavarput. Ilisimatusaatitut paaserusutaq una najoqqutaralugu tusagassiutit nutaarsiassiisartut imarisaat kisitsisitalerlugit misissoqqissaarneranni uppersarsiisoqassaaq: Nunatsinni 2018-imi tusagassiutit nutaarsiassiisartut imarisaat suut ersersinneqartarpat?
Tusagassiuutigineqartartut ineriartornera malinnaavigerusupparput, aamma soorlu sumiiffimmilu raadiut tusagassiortullu nutaarsiassiillutik tusagassiorfinni atorfillit amerlassusaat nalunaarsorlugit.
Inuiaqatigiinnik ilanngussinermik inuiaqatigiinnullu paasissutissiinermut periutsit:
Ilisimatusaatitut suliniummi pilersinneqartussaq pingaarnerpaassaaq nalunaarusiaq kalaallisut danskisullu paasinarluartumik misissukkamit inernernik nassuiaatitalik. Nittartakkamittaaq pilersitsisoqassaaq kalaallisut danskisullu (periarfissaappallu kingusinnerusukkut tuluttut) Nunatsinni tusagassiuutigineqartartut inuiaqatigiinnut ilisimatusartunullu allanut piviusut tamanut ammasunngortinneqarlugit.
Misissuinerup malugineqarnissaa pilersinniarlugu nalunaarusiaq inuiaqatigiinnik suliniuteqartuusunut (politikerit), tusagassiornermik suliffeqarfinnut inuiaqatigiinnullu tamanut inuiaqatigiit pillugit isumasioqatigiinnermi saqqummiunneqaqqaassaaq ilanngullugu atuagalliutini (aviisini) pisut pillugit Sermitsiaq-mi aamma AG-mi Tidskriftet Grønland-imilu allaatigisaqartoqassaaq.
Kisitsisaatittaaq ilisimatusaatitut allaatigisanut inernernik pingaarutilinnik imalinnut tunngaviliissaaq ass. Nunatsinni Piorsarsimassutsikkut Inuiaqatigiinnilu Pissutsinut aamma Nordicom-imut.
