NorthWhales: Immap miluumasuinik Issittumiittut siaruarsimanerat, pissusilersornerat aammalu kingornuttakkatigut attuumassuteqarnissaat pillugu malinnaaviginninnissamut periutsinik nutaanik ineriartortitsineq – avannaata imartaani qernertat immikkut sammineqarlutik
Postdoc: Outi Tervo, Pinngortitaleriffik
Aningaasaliissutit: 94.000 kr.
Projekti pillugu nassuiaat:
Issittoq nunarsuarmi sinneranut sanilliullugu sukkanerusumik kissatsikkiartorpoq, tamannalu sikuimut aammalu uumasunut tassaniittunut sunniuteqartarpoq. Qernertaq (Monodon monoceros) sikuimut attuumassuteqartorujussuuvoq, taamaattumillu silap pissusianut allannguutinut immikkut navianartorsiortuuvoq. Peqatigitillugu Kalaallit Nunaanni inuiaqatigiinnut amerlasuunut kulturikkut aningaasaqarnikkullu pingaaruteqartuuvoq.
Avannaata kitaani aasaanerani qernertat Melville Bugtimi Inglefield Bredningimilu katersuuttarput. Piniartut najukkamiittut qernertat pingasut assigiinngitsut isikkui pissusilersornerilu tunngavigalugit immikkoortittarpaat, kisianni taakku aamma kingornuttakkatigut assigiinnginnersut ilisimaneqanngilaq. Qernertat aamma Naresstrædemi nassaassaapput, tassa sumiiffimmi ungasissumi aammalu annikitsuinnarmik misissuiffigineqarsimasumi.
Projekti siunertaraa qernertat taakku pingasut kingornuttakkatigut assigiinnginnersut misissuiffigissallugu, Naresstrædemi qanoq atorneqartarnersut paasiniassallugu kiisalu Kalaallit Nunaanni Canadamilu qernertanut allanut qanoq attuumassuteqartiginersut qulaajassallugu.
Projektimi atorneqassapput genetiskimik misissuinerit aammalu periutsit uumasunut ajoqutaanngitsut, soorlu immap imaanit miljø-DNA, drone atorlugit assilisat aammalu immap iluani nipinik immiussinerit. Projektip ilisimasaqarnerulersitsissaaq, taamaalilluni Issittumi allanngoriartupiloorfiusumi qernertat piujuartitsisumik aqunneqarsinnaanerat pitsaanerulersinneqassalluni.