Postdoc: Manumina Lund Jensen, Ilisimatusarfik
Aningaasaliissutit: 100.000 kr.

Projekti pillugu nassuiaat:

Ihuanneq tassaavoq neqinik qasukkarlugit nerisassiat, pinngortitami pissutsit atorlugit toqqortarineqartartut, aammalu najukkami nerisaqarnermut tunngasumik ilisimasaqarnerup ilagaa.

Qaanaami, Savissivimmi Siorapalummilu 2026-mi aasaanerani sulilluni misissuinerit aqqutigalugit qasukkarlugit nerisassiortarnerit ullumikkut atorneqartut aammalu taakku najukkami ilisimasaqarnerup ilaginera allattorneqassapput.

Projektip misissuiffigissavai:
– Qanoq qasukkarlugit nerisassiortarneq ullumikkut ingerlanneqarnersoq
– Qanoq ilisimasat kinguaariinnut ingerlateqqinneqartarnersut
– Qanoq avatangiisit allanngoriartornerisa periutsit sunnerneraat

Sulilluni misissuinerit ilagissavaat apersuinikkut paasissutissanik katersuineq, piniartunik aammalu kulturikkut ilisimasanik piginnittunik. Apersuinerit kalaallisut inuktunimillu ingerlanneqassapput.

Projektip najukkani assigiinngitsuni qasukkarlugit nerisassiortarnermut periutsit assigiinngitsut ilanngullugit ammasumik isiginiarpai.