Postdoc Sascha Schiøtt, Pinngortitaleriffik
Aningaasaliissutaasut: DKK 1.992.395

Projektip nassuiaataa:

Nunatsinni Ilulissat Kangiata imartaa asseqanngitsumik pinngortitami ataqatigiiaaqarfiuvoq silap pissusianik sikumillu ilusilersugaasoq. Kangerluk natseqarfiuvoq qaleqaleqarfissuullunilu, uumasut aalisartunut piniartunullu naleqartinneqarluartuusut. Kangerluup uumassusikkut assigiinngisitaarnera maluginiagassaasoq tunngaviusumillu uumassuseqartuunera avatangiisinillu uumassusillit ataqatigiiaarneranni ataqatigiisitsisut iluamik ilisimaneqanngillat tamannalu tikikkuminaarneranik peqquteqarpoq. Postdocimi suliniut una nerisaqatigiiaani appasinnerpaanik paasisanik immersuisussaq – erseqqinnerusumik oqaatigalugu plaktonit kangerlummilu pinngortitami ataqatigiiaani pingaarutilerujussuunerannik.

Suliniuummi ph.d.-liiaasumik, Ilulissa Kangiani nerisaqatigiiaani qaffasinnerpaasunik misissuiffiusup ingerlaqqinnerissavaa. Ukiup qanoq ilinera aallaavigalugu phytoplanktoninik zooplanktoninillu misissuinermi uumassusillit taakkuusut kangerlummi aalisakkanut puisinullu qanoq pingaasuteqartiginerat ilisimatusarfigineqassapput. ”Sakkussat uumassusillit”, soorlu natsiit eqarluillu iluaqutigalugit zooplanktoninik anginerusunik, soorlu mysidenik taaneqartartunik aalisakkanillu tukerlaanik, nalinginnaasumik kangerlummi katersoruminaatsunik, aamma katersisoqassaaq. Natsiit eqaluillu nerisarisimasaat planktonillu katersat misissornerini suliniummi nerisariiaani uumassusillit pingaarutillit suussusersineqassallutillu kangerlunni uumassusilinni pilersittakkat nalilersorneqassapput. Misissuinermi inernerit pinngortitami pissuseqatigiinnermut, kangerlummi uumassusillippassuit assigiinngisitaarnerannik ikorfartuisunik, paasisaqarnerulersissavaatigut. Taakku saniatigut ilisimatusarneq uumasunut pingaarutillit, soorlu natsiit, qalerallit eqaluillu sulissutiginninnerannut pingaarutilinnik paasissutissanik tunniussissaaq, sualummik silap pissusaata allanngoriartornera isigalugu. Taakku inerneri aamma avatangiitsip innarlerneqaratarsinnaasup siammasinnerusumik piujuartumillu nukissanik ingerlanneqarnerinut aamma sunniuteqassapput.