Magteliten i Grønland (Kal.: Nunatsinni pissaaneqartitat)

Aqutsisoq:
Morten Fischer Sivertsen

Sammivik suliffillu:
Inuiaqatigiilerineq / Ilisimatusarfik

Qulequtaq:
Magteliten i Grønland
(Kal.: Nunatsinni pissaaneqartitat)

Allaatigisaq:
Ilisimatusarfimminngaanniit ilisimatusartut eqimattaavugut Copenhagen Business School-imik (Københavnimi Niuernermik Ilinniarfik) suleqateqarluta Nunatsinni pissaaneqarnerup qanoq ataqatigiissaarneqarnernik misissuerusuttut. Kissaatigaarput inooqatigiit ataqatigiiaat misissoqqissaarnissaat kalaallillu inuiaqatigiianni inuit pissaaneqarnerpaat sumiissusersiorusullutigik. Kikkut pissaaneqarnerat aaqqissuulluakkamik sumiissusersiornerini qanorlu imminnut ataqatigiinneri najoqqutaralugit tamanut ammasumik qanoq pissaaneq katunneqartiginersoq – siammasinnersorluunniit – aamma pissaaneq kalaallini inunni eqqortuniinnersoq oqallinnermik paasissutissartalimmik nutaanerusumillu pilersitsoqassaaq.

Nunatsinni pissaaneq qanoq tunngavilerneqarsimaneranik suliniummi annertuumik paasissutissiissaaq nunanilu avannarlernik pissaaneqartitat ataqatigiissaarnerannik sanillersuilluni misissuinissamik inissiinissamut tapersiissalluni. Nunatsinni pissaaneqarnerup ataqatigiissaarnerata immikkuualuttortai sorliit immikkuullarissuseqarnersut oqaluttuassartaalu allanit assigineqanngitsut erseqqissarniarlugit aamma pissaaneqarnerup ataqatigiissaarnerata immikkuullarissortai sorliit Naalagaaffimmi nunanut assingunersut takuniarlugit sanillersuussinerup anguniagaraa.

Inuiaqatigiinnik ilanngussinermik periutsit:
Suleqatigiinneq, sammisamut tunngatillugu isummersueqatigiinneq, ilisimasalinnik Ilisimatusarfimmilu ilinniartunik oqalliseqatiginninneq oqaloqateqarnerlu.
Transparency International Greenland suleqatigalugu.

Inuiaqatigiinnut paasissutissiinermik periutsit:
Nunatta tusagassiutaannut akunniliulluni paasissutissiineq, tamatumani Sermitsiq, KNR aamma Tidsskriftet Grønland.
Suliniut akunniliulluni paasissutissiissutigineqassaaq nalunaarusiaq “Magteliten i Grønland” qanoq amerlatigisut kikkullu kalaallit pissaanillit ataqatigiinneranni qitiunerannik ersersitsisoq  aqqutigalugu. Nalunaarusiattaaq ersersissavai inuit taakku ataqatigiiaarnermi sutigut atassuteqarnersut, inuiaqatigiit sorlernik tunuliaquteqarnersut, sorlermik suiaassuseqarnersut, sunik ilinniagaqarsimanersut, sumi inunngorsimanersut, inooqatigiinni qanoq ittunik tunuliaquteqarnersut sulinerminnilu aqqutigisimasaat qanoq ittuunersoq. Ilisimatusarfik aqqutigalugu nalunaarusiaq sammisaqatip paasisaa naapertorlugu nalilerneqarnissaq ataqatigiissaarpaattaaq.

Pilersaarutigaarput oktobarimi 2019-imi saqqummersitassamik nassiussiniarluta Sermitsiamut. Assinganik tusagassiutinut nalunaarummik kalaallit tusagassiutaannut nassiussivugut, tamatumani KNR tamanullu paasisinnaasunngorlugu Tidsskriftet Grønland-imi ilanngutassiinissaq piareersarlutigu.

Nunatsinnissaaq inernerit avataanit takunerini savalimmiut danskillu pissaaneqartinneqartut sanilliunnerini Foreningen for Elite- og Magtstudier-ip* saqqummersitsivia aqqutigalugu sammisat arlallit ataatsimut saqqummiussassami Rigsfællesskabet Magteliter-imi** pilersaarutaareersumi ersersitsisunngortinneqassapput. Naggasiutitut pilersaarutigaarput Acta Sociologica: Varieties of Colonial Elites-imi*** ilisimatusaatitut ilanngutassiaq saqqummersinniarlugu. The Role of Danes in the Power Elites of Greenland and the Faroe Islands****.

*                  Toqqakkat Pissaanerlu Pillugu Ilisimatusarnermi Peqatigiiffik
**                Naalagaaffiup Pissaaneqartitai
***              Inooqutigiit Pillugit Ilisimatusaatinik Toqqorsivik: Nunasiami Toqqakkat Nikerarneri
****            Nunatsinni Savalimmiunilu Pissaaneqartitaanni Danskit Inissisimaffiat