Nunatsitsinni Ilisimatusarnermik Siunnersuisoqatigiit Ilisimatusarnermik siuarsaanerup ataani ilisimatusartoqatigiit arfineq-pingasut 1,2 mio. kr.-inik aningaasaliiffigaat. Ilisimatusarnerit sumiiffinnit assigiinngitsunit aallartinneqartut suliffeqarfiit assigiinngitsut suleqatigiinnerinit aallartinneqartut ilisimatusarnerit nukittunerulersissavaat.
Saqqummersinneqarfia maajip 17-ani 2023.
Ilisimatusartoqatigiit arfineq-pingasut Nunatsinni Ilisimatusarnermik Siunnersuisoqatigiinnit aningaasaliiffigineqarnermikkut maanna ilisimatusarnerit soqutiginartut aallartissinnaanngorpaat.
Ilisimatusarfissat sammivii assigiinngitsuupput, tamarmillu nalilersorneqarluarsimallutik. Ilisimatusarnerup siuarsarnissaanut aningaasaliissutit ilaatigut issittup saarulliisa qalipaataasa assigiinngitsut isumaat, nukittussutsit isiginiarlugit imminut toqunnissamut pinaveersaartitsinermut aammalu qanoq ilillutik inuussutissat kulstofillu nunamit kangerlummut kuugussaasut silaannaap pissusaata allanngoriartorneranut tunngatillugu imaani uumassusillit ataqatigiiaarnerannut siulittuutigisinnaaneranut iluaqutaasinnaanerat ilisimatusarfiginerinut atorneqassapput.
– Ilisimatusarfissat pitsaasuusut inuiaqatigiit pillugit paasititsissapput siunissamullu piareersimatissalluta. Taamaammat ukioq manna Ilisimatusarnermut siuarsaanermi aningaasaliissutit saqqummiunneri immikkuullarissuuvoq, ilisimatusarfiginiarlugit qinnutigineqartut Kalaallit Nunaanni inuiaqatigiinni unammilligassanut iluaqutaasinnaasut amerlammata, Nunatsinni Ilisimatusarnermik Siunnersuisoqatigiit siulittaasuat, Josephine Nymand, oqarpoq.
Suliniutit tamaasa pillugit uani atuarit.
Ilisimatusarnerup siuarsarnissaanut 2023-mi kisitsisit pingaarutillit
Nunatsinni Ilisimatusarnermik Siunnersuisoqatigiit ukioq manna ilisimatusarnermut siuarsaanermut, 1. marts 2023-mi ullulerneqarsimasumut, qinnuteqaatinik katillugit 24-inik tigusaqarsimapput, taakkunanilu arfineq-pingasut aningaasaliiffigineqarput.
Qinnuteqartut tamakkerlutik aningaasat katillugit 11,6 mio.kr.-ngajaat nalinginut missingersuutigineqartut qinnutigineqarsimapput, taakkunanilu Ilisimatusarnermut siuarsaanermut suliniummit 3,4 mio. kronit aningaasaliissutigineqarput qinnuteqartunut ataasiakkaanut annerpaamik 250.000 kr.-it killigitinneqarlutik.
Arnat qinnuteqartut 11-iusimapput, Ilisimatusarnermullu siuarsaanermut aningaasaliissutit taakkunannga sisamanut tunniunneqarlutit, iluatsittut taamaammat 36%-upput. Angutit qinnuteqartut iluatsittut 31%-iupput, 13-nit qinnuteqarsimammata sisamallu aningaasaliiffigineqarlutik.
Ilisimatusarnerit sumiiffinnit aallartinneqartut suliffeqarfiillu akimorlugit suleqatigiinnermut tunngasut pingaartinneqarneri
Nunatsinni Ilisimatusarnermik Siunnersuisoqatigiivisa Ilisimatusarnermut siuarsaanissamut aningaasaliissutit 2023-mi saqqummiummatigit piginnaanerit sumiiffinninngaannerulernissaat piginnaanertusarnissarlu pingaartillugu ersersippaat.
– Nunatsinni Ilisimatusarnermik Siunnersuisoqatigiit nunatsinni ilisimatusarnerup nunami najugaqartut kissaatigisaanninngaanneernissaannut ilisimatusagassatullu pingaarnersiorneqarnissaannut annertuumik suliaqarput. Taamammat suliniutit inuiaqatigiinnut, ileqqorissaarnermut, piginnaanertusarnermut minnerunngitsumillu sumiiffinni suleqateqarlunilu najuunnissamut annertuunik piumasaqaateqarpugut, Nunatsinni Ilisimatusarnermik Siunnersuisoqatigiivisa siulittaasuata, Josephine Nymand-ip oqaatigaa.
Ilassutigalugulu:
– Aningasaliinerit annertunerumaat pingasuususut tamarmik immikkut 250.000 kr-it tungaanut aningaasaliiffigisinnaagatsigit iluarisimaarutigaarput, taakkulu suliffeqarfiit assigiinngitsut suleqatigiinnerisigut ingerlanneqassapput. Suliniutinut qinnuteqaatit suliffeqarfiit akimorlugit suleqataaffigineqarnissaat piumasaqataatigitillugit ilisimatusarnermik aningaasaliisutut suleqatigiisitsineq, sunneeqatigiinnerusinnaaneq ataasiinnarmillu eqqarsannginnissaq qulakkeernerusinnaavarput.
Aningaasaliiffigineqarput:
- Arnârak Patricia Bloch, Ilisimatuussutsikkut suliaqarnermi ikiorti, Innuttaasut Peqqissusiannik Ilisimatusarfik, Statens Institut for Folkesundhed, Syddansk Universitet, suliniummi ”Kvalitativ undersøgelse om mestringsressourcer af personer, som har overlevet selvmordstanker/selvmordsforsøg og trives i dag”. Aningaasaliissutit: 100.000 DKK.
Peqataasussat allat suliffeqarfiillu attuumassutillit: Christina Viskum Lytken Larsen, Professori, Innuttaasut Peqqissusiannik Ilisimatusarfik, SIF, SDU; Paarisa og Avannaata Kommunia. - Caroline Bouchard, Ilisimatusartuuneq, Pinngortitaleriffik, suliniummi ”Black or white? Underlying causes of phenotypic plasticity in polar cod”. Aningaasaliissutit: 70.000 DKK.
Peqataasussat allat suliffeqarfiillu attuumassutillit: Denis Roy, Professor, McGill University; Henrik Christiansen, Ilisimatusartoq, Pinngortitaleriffik; Patrick Farnole, Ph.d.-nngorniaq, Uummannaq Polar Institute; Meeqqat angerlarsimaffiat, Uummannaq; Uummannani aalisartut aalisakkanillu tunisassiorfiit. - Cecilie With, Ilisimatuussutsikkut suliaqarnermi ikiorti, Inuunerissaavik Steno Kalaallit Nunaat, suliniummi ”The effect of exercise training on glucose tolerance in Greenlandic TBC1D4 loss-of-function mutation carriers”. Aningaasaliissutit: 100.000 DKK.
Peqataasussat allat suliffeqarfiillu attuumassutillit:: Professori Jørgen Wojtazewski, Immikkoortortaqarfimmi aqutsisoq, August Krogh Sektionen for Molekylær Fysiologi, Institut for Idræt og Ernæring, Københavns Universitet; aamma Professori Marit Eika Jørgensen, Nakorsaaneq, Inuunerissaavik Steno Kalaallit Nunaat. - Flemming Merkel, Ilisimatusaruuneq, Pinngortitaleriffik, suliniummi” Lomviens bestandsudvikling og påvirkning af lokale klimatiske forhold”. Aningaasaliissutit: 100.000 DKK.
Peqataasussat allat suliffeqarfiillu attuumassutillit: Aili Labansen, Ilisimatusartoq, Pinngortitaleriffik; Morten Frederiksen, Seniorforsker, Aarhus Universitet; Nicholas Huffeldt, Postdoc, Lund Universitet; Ryan Long, Assistant Professor, Idaho Universitet; Allan Kristensen, innarsiornermi siunnersorti; Per Nukaaraq Hansen, sumiiffimmi paasissutissanik katersisoq; Finn Pedersen, sumiiffimmi paasissutissanik katersisoq; aamma Kasim Virk, sumiiffimmi paasissutissanik katersisoq. - Lorenz Meire, Ilisimatusartuuneq, Pinngortitaleriffik, suliniummi ”Angalasinnaavung?”. Aningaasaliissutit: 70.000 DKK.
Peqataasoq alla: John Mortensen, Seniorforsker, Pinngortitaleriffik. - Majken Djurhuus Poulsen, Ilisimatusartoq, GEUS Nuuk, suliniummi ”Geokemisk og mineralogisk fingeraftryk af fedtsten fra Grønland”. Aningaasaliissutit: 250.000 DKK.
Peqataasussat allat suliffeqarfiillu attuumassutillit: Christian Koch Madsen, Souschef, Nunatta Katersugaasivia Allagaateqarfialu; Nynke Keulen, Ilisimatusartuuneq, GEUS København; Martin Appelt, Ilisimatusartuuneq, Danmarks Nationalmuseum; aamma Sólveig Guðmundsdóttir Beck, Postdoc., Geoarcheologist, Institute of Archaeology, University of Iceland. - Renato Colucci, Ilisimatusartoq, Institute of Polar Sciences, National Research Council of Italy, suliniummi “LOGS – Local Glaciers Sisimiut”. Aningaasaliissutit: 246.000 DKK.
Peqataasussat allat suliffeqarfiillu attuumassutillit: Marco Marcer, Postdoc, Arctic DTU Sisimiut; Costanza Del Gobbo, Research fellow, National Research Council of Italy; Greenland Winter Warning Association; GEUS; Nukissiorfiit. - Thomas Juul-Pedersen, Ilisimatusartuuneq, Pinngortitaleriffik, suliniummi ”Tracking nutrients and carbon from land to lake to fjord (LAND2FJORD)”. Aningaasaliissutit: 248.750 DKK.
Peqataasussat allat suliffeqarfiillu attuumassutillit: Ida B. Dyrholm Jacobsen, Ilisimatusartoq, Pinngortitaleriffik; Tobias Vonnahme, Postdoc, Pinngortitalerffik; Katrine Raundrup, Ilisimatusartoq, Pinngortitaleriffik; Efrén López-Blanco, Forsker, Pinngortitaleriffik; Lorenz Meire, Ilisimatusartuuneq, Pinngortitaleriffik; Karoline Nordberg Nilsson, AC, Asiaq – Greenland Survey; Dorthe Petersen, AC Senior, Asiaq – Greenland Survey; Kirsty Langley, AC Senior, Asiaq – Greenland Survey.
Erseqqinnerusumik paasissutissat:
Allatsi Maliina Jensen, Nunatsinni Ilisimatusarnermik Siunnersuisoqatigiit, tlf.: 361200/222090, mail: info@nis.gl
Josephine Nymand, Nunatsinni Ilisimatusarnermik Siunnersuisoqatigiit siulittaasuat, tlf.: 361234, mail: jony@natur.gl
