Vandringsmønster for torsk (Kal.: Saarulliit ingerlaartarnerisa ilusilernerat)
Aqutsisoq:
Helle Torp
Sammivik suliffillu:
Pinngortitaq/ Pinngortitaleriffik
Qulequtaq:
Vandringsmønster for torsk
(Kal.: Saarulliit ingerlaartarnerisa ilusilernerat)
Allaatigisaq:
Saarulliit ingerlaartarnerminni piffii sumiiffiilu paasisaqarfiginerorusullutigik saarullerujussuit nutaaliaasunik qaammataasamut attavilinnik puttallartartunik nalunaaqutsiussavavut (>75 cm) . Saarullerujussuit qanoq suffisarfitsik atortarneraat qanorlu ingerlaarnerat itissusermut kissassusermullu atassuteqarnersoq nassuiaatitalersinnaassallutigu kissaatigaarput.
Itissuseq, kissassuseq qaamaneqassuserlu (sumiiffikannerisinnaasaallu) nalunaaqutsersorneqassapput saarullinnilu ukioq affarmiit iluittup tungaanut ikkusimassapput qaammataasakkullu paasissutissanik nassiussuissallutik. Paasissutissat atorlugit itisuut ilaat kissassutsilluunniit sumiiffiilluunniit sorliit saarulliit ingerlaarfigerusunnerusarneraat takusinnaalissavarput. Ukioq naallugu Kapisillup eqqaaniissanersut immikkuullarissumik soqutiginarpoq.
Uumassusilerinermut tunngatillugu siunnersuinermut paasissutissat katersat atorneqarumaarput taamaasillunilu saarulleqassutsip annertussusaanik pissusaannillu naliliineq peqqutissaqarluarnerusumut ilanngussissaaq.
Inuiaqatigiinnik ilanngussinermik inuiaqatigiinnullu paasissutissiinermut periutsit:
Avataani saarullinniarnermut sinersorlutillu saarullinniartunut suliffissaqartitsinermi isertitaqarnermilu paasissutissanik ilanngussimmat inuiaqatigiinnut suliniut pingaaruteqangaatsiarpoq. Sumiiffinni innuttaasunut aalisartutut suliffissaqarnermi imaluunniit aalisakkerivinni toqqaannanngikkaluamik suliffissaqarnermi aalisarneq pingaaruteqangaatsiarpoq, taamaammallu siunissami aalisarnerup isumannaarnissaanut peqqutissaqarluarnerulluni siunnersuinermik saarullinnillu suliaqarluarnerunissamik ilisimasanik ilanngussineq pingaaruteqarpoq.
Suliniummi inuiaqatigiinnut pingaaruteqartut inernerillu Pinngortitaleriffiup nittartagaani akunniliulluni paasissutissiissutigineqarumaarput, aalisartunut ingerlatsisunullu saarulliit pillugit siunnersuinermut atatillugu tusagassiutinullu pingaarutilinnut nutaarsiassatigut suliniummit inernerit nalunaarutigineqarumaarput inernerillu saarulliip ingerlaartarneri pillugit paasinnittaasitsinnut qanoq attuumassuteqarnersut oqalugiaatigineqarumaarput.
Saarulliit pillugit isiginnaagassiaq ‘Satellitmærkning af torsk’ uani (YouTube)
Asseq toorukku facebook’imi allagarsiussaq quppernermi NIS Grønlands Forskningsråd ammassaaq.
