Modellering af hellefisks migration ud for Vestgrønland (Kal.: Kitaata avataani qalerallit ingerlaartarnerisa ilusilersornera)
Aqutsisoq:
Ole Ankjær Jørgensen
Sammivik suliffeqarfillu:
Pinngortitaq – DTU Aqua / Pinngortitaleriffik
Qulequtaq:
Modellering af hellefisks migration ud for Vestgrønland
(Kal.: Kitaata avataani qalerallit ingerlaartarnerisa ilusilersornera)
Allaatigisaq:
Uani suliniummi qaleralinnik nalunaaqutsersuiniarluni misileraatinik paasissutissaatit pioreersut paasissutissani nalunaaqutsersukkat sumiiffii piffiilu ataqatigiisillugit aamma imermik ilisimatusarnermit piffimmi pineqartumi paasissutissaatinik qaleralinnik aalisaqqinnermi misissoqqissaarniarpavut.
Imermik ilisimatusarnermi paasissutissaatit soorlu sarfap ingerlaarnerata sammiviinut, sukkassusaannut kissassusaannut itissusaannullu tunngasut, uumasoqassutsimikkut pissutsit soorlu erngup naqitsinerisa aporaaffii il. il., minnerusumik annerusumilluunniit qalerallit ingerlaarnerisa aqqutissaannik nalaatsornerinnarmik toqqaanermiit sorliit sunniutaasuusutut suleriusissamut isummiussaagallarput.
Misissueqqissaarneq imermik ilisimatusarnermi maleruagassatut ilusilersukkamik pioreersumik ABM-imillu (Agent-Baseret-Modeller) ataqatigiissilluni tunngavilerneqassaaq.
Atlantikup Avannaani piffimmi (2007-2012) Nunatta kitaata sineriaani qaleralinnik nalunaaqutsersukkanik aalisaqqitanik paasissutissartaannik tamakkiisuni imermik ilisimatusarnermi 3D-nngorlugu 20 kilometerimik isorartutigisumik assilianngortitsisumik (www.copernicus.eu) paasissutissaqarpoq.
Aalisakkat angalaarnerat ingerlaarnerallu sarfagussaaneri pissuserisartagaallu ilisimaneqartut najoqqutaralugit, sarfap sammivii sukkassusiilu, erngup qummut ammullu ingerlaarneri, annertuumik pinngorartitsiviit (ass. aporaaffiit timitallit), immap iterngisa pissutsii, kiassutsit/nillissutsit, immap naqqata immallu ikiaa ABM ikiortigalugu assilianngortinneqarsinnaapput.
Imermik ilisimatusarnermi pissutsit qanoq qalerallit angalaartarnerannut pingaaruteqartiginersoq paasinninnerunissaq suliniummi tapersiisoqassaaq.
