AMMASSAK – suliniummi immikkoortoq 2
Ilisimatusarnermi aqutsisoq: Aviaja Lyberth Hauptmann, adjunkt, Ilisimatusarfik Peqqissaanermik Pinngortitamillu ilisimatusarfik
Suleqatigalugu: Carsten Egevang, ph.d., assiliisartoq saqqummiisartorlu namminersortoq
Sammisaq, siunertaq aamma apeqqutit:
AMMASSAK, suliniummi immikkoortoq 2-mi Kalaallit Nunaanni ammassat kulturikkut isumaannik paasissutissanik katersinissaq pingaartinneqarpoq. Qeqertarsuup tunuani aasaq 2024-mi misissuinermi ammassat nerisassatut, qimminut nerukkaatissatut ningittakkersornermilu neqitsiussassatut atorneqarneri kulturikkullu pingaaruteqassusaat nalunaarsorneqassapput.
Misissuinerup pingaarnertut sammisai marluupput:
1) Ammassat kulturikkut isumaat pillugu pitsaassuseq aallaavigalugu apersuinerit, aamma
2) Økologiip pingaaruteqassusaa takutinniarlugu aammalu ammassanniarnermi taakkunanngalu panersiinermi periutsit assiliineq.
Suliniummi immikkoortoq 2-mi inernerit, suliniummi AMMASSAK-mi ilisimatusartut allat peqatigalugit suliniummi ammassaap kalaallinit nerisatut naleqassusaata saqqummiunneqarnissaat pilersissavaat.
Inuiaqatigiinni kalaaliusuni piginnaanertusarnissamut periutsit:
Piginnaanertusarneq ilisimatusarnikkut inuiaqatigiinnullu naleqquttuunerata saqqummiunnera, kiisalu Ilisimatusarfimmi ilinniartunik pingaarutilimmik inissisimatitsilluni peqataatitaqarnikkut ingerlassaaq.
Inuiaqatigiinnut saqqummiussinermut periusissaq:
Suliniummi saqqummiussinissamut assigiinngitsutigut pilersaarutaavoq (ilisimatusarnermik tunngavilimmik, aalajangiisartunut suliaasoq, saqqummiussineq siammasissoq il.il.) aammalu attaveqaatitigut allat atornerini, tassani ataatsimeersuarnerni, artikeliliornerni atuakkamillu saqqummersitsinermi pisinnaalluni.
Aningaasaliissutaasut: DKK 99.600
