Nunatsinni Ilisimatusarnermik Siunnersuisoqatigiit aamma Danmarks Frie Forskningsfond peqatigiillutik ”Nunatta Danmarkillu akornganni oqaluttuarisaanerit qulaajarneqarnissaannut” ilisimatusartoqatigiit aqutsisussaannik siunnersuuteqarnissamut kajumissaaruteqarput.

Tamanut – kikkulluunniit periarfissinniarlugit, kattuffiit pisortanik inunnilluunniit ataasiakkaanik ingerlanneqartut periarfissinniarlugit – piukkussaminnik ataatsimik arlalinnilluunniit siunnersuuteqaqquneqarput, inuilluunniit ataasiakkaat imminnut piukkullutik nalunaaruteqarnissaannut kajumissaarneqarput. Killiussaavoq: 1. oktober 2023 nal. 16.00 kalaallit nalunaaqutaat malillugu / qallunaat nunaanni nal. 20.00.

Saqqummiussaq kalaallisut, qallunaatut, tuluttulluunniit pisarsiarineqarsinnaavoq:

• Kalaallisut: Saqqummiussaq uani atuaruk
• Qallunaatut: Saqqummiussaq uani atuaruk
• Tuluttut: Saqqummiussaq uani atuaruk

Tunuliaqut:
Nunatta Danmarkillu naalakkersuisuisa ulloq 9. juuni 2022 ataatsimoorlutik aalajangiuppaat sorsunnersuaq kingullerminngarnik maannamut Kalaallit Nunatta Danmarkillu akornganni oqaluttuarisaanermi pissutsit tamarmik ingerlasimanerat qulaajarneqassasoq.

Ilisimatusarluni suliniummut najoqqutassat Nunatta Danmarkillu akiunnerminni oqaluttuarisaanerata qulaajarneqarnissaanut suliakkiutip oqaasertalersorneqarnera Naalakkersuisut Danmarkimilu naalakkersuisut ulloq 22. juni 2023 isumaqatigiissutigaat.

Nunatsinni Ilisimatusarnermik Siunnersuisoqatigiit aammalu Danmarks Frie Forskningsfond peqatigiillutik suliakkerneqarput, Nunatta Danmarkillu akornganni oqaluttuarisaanerup qulaajarneqarnissaanut ilisimatusartoqatigiinnut aqutsisussatut piukkunnaateqarsinnaasunik Ilinniartitaanermut, Kultureqarnermut, Timersornermut Ilageeqarnermullu Naalakkersuisumut aammalu ilinniartitaanermut ilisimatusarnermullu ministerimut innersuusseqqullugit.