Ilisimatusarnermut tapiissutit

Nunatsinni Ilisimatusarnermik Siunnersuisoqatigiit, Kalaallit Nunaanni ilisimatusarfinni suliniutit pingaarnerit arlaannut arlariinnulluunniit attuumassuteqartunut,  Namminersorlutik Oqartussat sinnerlugit ukiumut 1,2 mio. koruuninik tapiisarput.

Taakku saniatigut kalaallit danskillu ilisimatusarnermik oqartussaqarfii suleqatigiillutik ilisimatusarnernut qaffasinnerusunut ukiumut 3-5-inut tapiisarput (ph.d. aamma postdoc). Aningaasaliissutit tamarmik tamanut ammasumik qinnuteqarfigineqarsinnaapput, ilisimatusarfinnullu aalajangersimasumik aningaasaliissutaasartut saniatigut tapiissutaasarlutik. Nunatsinni Ilisimatusarnermik Siunnersuisoqatigiit suliniutit ilisimasanik piginnaasanillu Kalaallit Nunaanni inerisaanermik kinguneqarnissaat, aamma suliniutip inuiaqatigiinnut ilisimatitsissutigineqarnissaa assut pingaartippaat.

Ilisimatusarnermik siuarsaanermut aningaasaliissutit

Isumassarsiat piviusunngortinniarlugu taperneqarnissamik qinnuteqarit aamma malittarisassat atuakkit saqqummiussallu kingulliit ataani takullugit.

Suliniummut ataatsimut 100.000 koruunit angullugit qinnuteqaatigineqarsinnaapput.

Ukiumoortumik qinnuteqaqqusineq

Ukiaq 2020
Kingusinnerpaamik: 1. oktobari nal. 12.00

 

Qinnuteqaammik suliarinninneq

Qinnuteqaatinik nassiussinissamut killigititat tassaapput 1. marsi aamma 1. oktobari, nal. 12.00.
Ullut taakku arlaat nalliuttuuppat, ulloq suliffiusoq tulleq atuutissaaq.

Qinnuteqarnissamut killigititamiit sap.ak. arfineq-pingasuni suliarinnittoqarnissaa naatsorsuutigineqassaaq. Qinnuteqartut tamarmik suliarinninnerup inerneranik allakkatigut nalunaarfigineqassapput.

Qinnuteqartoq qinnuteqarfissap killigititaasup sioqqullugu paasiguniuk amigartumik qinnuteqaammik nassiussisimalluni qinnuteqaat tamakkiisoq nassiuteqqinneqassaaq. Qinnuteqartup Nunatsinni Ilisimatusarnermik Siunnersuisoqatigiit Allatseqarfiat qinnuteqaammik nutaamik nassiussinermini nassiussimasaminut amigartumut taarsiullugu nassiullugu nalunaarutigisariaqarpaa.

Qinnuteqarnissamut killigititaq qaangerneqarsimappat qinnuteqartup qinnuteqaat amigartup nassiussimasaa tunngavigalugu nalilersorneqassaaq.

Qinnuteqartup nassiussimasaa aatsaat nalilersorneqarsinnaavoq:

  • immersugassaq nittartakkami www.nis.gl’imiittoq immersorsimagaanni
  • qinnuteqarnermi immersugassamiittut tamaasa iluamik immersorsimagaanni
  • qinnuteqarnermi killigititaasoq qaangersimanngikkaanni
  • quppernerit amerlassusissatut nalunaarutigineqarnikut qaangersimanngikkanni
  • siornatigut aningaasanik Ilisimatusarnermik Siuarsaanermik aningaasaliissutinik tapiiffigitissimalluni Nunatsinni Ilisimatusarnermik Siunnersuisoqatigiit Allatseqarfianut nalunaarusiorsimagaanni (imaappoq, siornatigut nalunaarusiorsimagaanni krydsiliiffissakkut tamanna nalunaarutigineqassaaq; immersukkami nalunaarusiaq takuneqarsinnaassalluni).

Naliliinermi immersorneqartartoq assersuutaasoq aajuna (danskisut)

Aningaasaliiffigitittup akisussaaffii:

 

  • Aningaasaliiffigitittup akisussaaffigaa aningaasat siunertamut atorneqarnissai.
  • Aningaasaliiffigitittup pisussaaffigaa ilisimatusaatitut suliniutimi inernera tamanut saqqummiunnissaa.
  • Suliniutit NIS’imit aningaasaliiffigineqarnikut Isaaffik – the Arctic Gateway nittartakkami isaaffik.org –miittoq atussavaat
  • Aningaasaliiffigitittup suliniutigisimasami inernerata tamanut saqqummiunninerani NIS’imit aningaasatigut tapiiffigineqarsimanini paasissutissiissutigissavaa.

Taperneqartup Nunatsinni Ilisimatusarnermik Siunnersuisoqatigiit Allatseqarfianut ukiut tamaasa marsip aallaqqaataa nallertinnagu ukiumoortumik nalunaarusiaq – aningaasat tapiissutit qassit sumut atorneqarsimaneri ilanngullugit – nassiutissavaat. Nittartakkami qinnuteqartup iserfissaani nalunaarusiornermi immersugassaq atorneqassaaq.

Nalunaarusiaq suliniutigisimasap naammassereernerata kingorna kingusinnerpaamik qaammatit sisamat qaangiutsinnagit Nunatta inuinut paasissutissiissutigisinnaasamik imaqartoq  naatsorsuutitalik paasinarluartunik assiliartalersugaq annerpaamillu 400’nik oqaasertalik Nunatsinni Ilisimatusarnermik Siunnersuisoqatigiit Allatseqarfianut tunniunneqassaaq.

Ilisimatusarluni suliniutip inerneri tamarmik inaarutaasumik nalunaarusiornikkut nittartagaq qinnuteqartup iserfissaa atorlugu nassiunneqarlutik uppernarsarneqassapput.

Saqqummiussat uppernarsarneqartut Ilisimatusarnermik Siunnersuisoqatigiit nalunaarsuutaanni ilaassapput.

Ph.d.- og postdoc-stipendier

Det er Grønlands Selvstyre og den danske stat, der udbyder et antal ph.d.- og postdoc-stipendier til besættelse. Stipendierne skal styrke dansk-grønlandsk forskningssamarbejde, udvikling af forskning og rekruttering af unge forskere til Grønlandsforskningen. Forskningsmidlerne kan søges inden for alle videnskabelige hovedområder.

Grønlands Forskningsråd prioriterer ansøgningerne, mens Grønlands Naturinstitut står for administrationen af stipendierne. Naturinstituttet indkalder årligt til en ansøgningsrunde med frist i marts måned.

Vilkar og ansøgninsblanketter finder du på naturinstituttets hjemmeside: natur.gl.

Scroll to Top