Kalaallit Nunaannit, Islandimit Savilimmiuniillu ilisimatusartartunut 19.-21. Augusti Nordens Husimi Tórshavnimiittumi workshopi ingerlanneqassaaq. Worskshoperneq Nunat Avannarliit Ministeriisa siunnersuisoqatigiivinit aningaasalerneqarpoq.

Workshopimi peqataanermi ilisimatusartartut ilisimatusarnerup isumaa ataatsimullu soqutigisaqaqatigiinneq itinerusumik sammineqarnissaanut periarfissaassaaq. Workshoperneq isumassarsianik, paasisimasanik misilittakkanik paarlaasseqatigiinnissamut, ilisimatusarnikkut nunat avannarliit akornanni suleqatigiinnerup siuarsarnissaat eqqarsaatigalugit, periarfissaavoq.

Workshopi immikkut sammiveqassanngilaq, pingaartitalli inissereersimapput. Tassaapput nukiit piujuartitsisut; inuiaqatigiinni ilisimasat, isumannaassuseq/geopolitikki, silap pissusia imaanilu uumassusillit; piujuartitsineq aamma kulturi; aamma peqqissuseq/genetikki.

Workshopi Nunatsinni Ilisimatusarnermik Siunnersuisoqatigiinnit, Granskingarráðið – Saalimmiuni Ilisimatusarnermik Siunnersuisoqatigiinnit, Rannís – Islandimi Ilisimatusatarfik aamma Islandimi Issittumi Suleqatigiiffik.

Naatsorsuutigineqarput Kalaallit Nunaannit, Islandimit aamma Savalimmiunit workshopernermi peqataasussat amerlassusaat 50-60-ussasut.

Qinnuteqarfissamut ulloq killigititaq tassaavoq 24. april.

Kalaallit Nunaanni Islandimilu najugallit aamma angalanissamut aningaasaliiffigitinnissamut qinnuteqarsinnaapput.

Qinnuteqaqqusissut erseqqinnerusumik paasissutissartalik uani atuarneqarsinnaavoq.

Workshopernissamut peqataanissamut uani qinnuteqartoqarsinnaavoq.