Udvikling af image velocimetry til vandføringsmålinger (Kal.: Erngup ingerlaarneranik uuttuinernut Image Velocimetry*-mik inerisaaneq) * Sukkassutsimik miiterinngorlugu assiliilluni uuttuut
Aqutsisoq:
Sille Marie Myreng
Sammivik suliffillu:
Pinngortitalerineq / Asiaq – Kalaallit Nunaanni Misissueqqaarnerit
Qulequtaq:
Udvikling af image velocimetry til vandføringsmålinger
(Kal.: Erngup ingerlaarneranik uuttuinernut Image Velocimetry*-mik inerisaaneq)
* Sukkassutsimik miiterinngorlugu assiliilluni uuttuut
Allaatigisaq:
Silaannaap, innuttaassuseqariaatsit isumalluutinillu atueriaatsip allanngoriartorfiisa nalaani erngup kuunnera imissamaateqarnerlu pingaaruteqarluartut ilisimasaqarfigilissallugit annertuumik peqqutissarpassuaqarpoq. Sermip ningimanertaasa sermersuullu aakkiartornerinik, issorartarfinni pissutsit, nakkaalaarnikut kateruttartut siallertarnermilu sakkortussutsit kisitsisaannik erngup kuunneranik uuttuinerit pilersitsipput. Silasiorfinnit paasissutissat silasiorfiinnarmit paasissutissiiginnartarput ergnullu kuunnerinit paasissutissat kuup eqqaa tamaat paasissutissiissutigisarpaa. Illoqarfinni nunaqarfinnilu imermik nukissamillu atuineq annertusiartorpoq imissamaateqarnerlu annertussusaa ineriartorneralu pillugit ilisimasaqarnerit pisariaqartinneri suli alliartorlutik. Assinganik erngup nukissiuuteqarfittaat imermillu avammut tunisassiorneq pillugit pisariaqartitsisoqarpoq.
Suliniummi paasiniaanermi pingaarnerpaavoq:
Erngup kuunnerisa annertussusaat ineriartornerilu pillugit ilisimasaqarnerulerniarluta qanoq Nunatsinni sumiiffinni arlalinni erngup kuunnernik imissamaateqarnernillu uuttuutinik arlalinnik pisinnaavugut?
Erngup kuunneranik uuttuinernik periutsit aarlerinanngitsut, akikinnerit atoriaannaanerusullu akissummut pingaaruteqarput, taamaammat suliniummi anguniagaalerpoq:
1) Image Velocimetry atorlugu erngup kuunnerani uuttortaanermut pisinnaasanik inerisaaneq sumiiffinnilu tulluarsaanerit
2) Image Velocimetry atorlugu erngup kuunnerani uuttuinerup atuisut imermik ilisimatusarnermik piginnaasaqanngitsunut atoriaannanngortitsineq, taamaasillunilu imermik ilisimatusarnermik misissuinerit sumiiffinni ajornartuusussaagaluani periarfissaalersitsineq.
Inuiaqatigiinnik ilanngussinermik periutsit:
Ilitsersuutip suliarinerani Nukissiorfiit oqaloqatigineqassapput atuisussat periutsimik atuinissaminni suut pisariaqartinneraat qulaajarniarlugu.
Taassuma saniatigut suliniummit inernerit suliniutissani inuiaqatigiinnik ilanngussinerunissamut ammaassissapput ilitsersuut periuserlu paasissutissanik katersineq ilinniarsimanngitsunit ikiorneqarluni atorneqarluarsinnaammat.
Inuiaqatigiinnut paasissutissiinermik periutsit:
Erngup kuunneranik uuttuinermi Image Velcimetry atorlugu qanoq naammassineqarsinnaaneranik ilitsersuut peqqissaarussaq suliniummit naammassisaq pingaarnerpaassaaq. Ilitsersuut allanneqarumaarpoq sulisunit imermik ilisimatusarnermik piginnaasaqanngitsunit malinneqarsinnaasunngorlugu. Soqutiginnittunut tamanut aaneqariaannaassaaq ilisimatusarnermilu suliaqartunut (GEM – Nordic Hydrometry Workshop*) Asiallu ukiumoortumik imermik atuisunik ataatsimiisitsisarnerani Nukissiorfimmut saqqummiunneqarumaarluni.
* GEM – Avannarlermi Imermik Ilisimatusarnermik Sulliveqarneq
