Ernæringskvalitet af hjemmedyrket grovfoder i Sydgrønland (Kal.: Kujataani nammineq nerukkaatiliat seqummarlutat tangeqassutsimikkut uuttuutaat)
Aqutsisoq:
Jesper Overgård Lehmann
Sammivik suliffillu:
Pinngortitalerineq / Institut for Agroøkologi ved Aarhus Universitet (kal.: Aarhusip Ilisimatusarfiani Naasorissakkat Pissuseqatigiinnerannik Ilisimatusaatinik Ingerlatsivik)
Qulequtaq:
Ernæringskvalitet af hjemmedyrket grovfoder i Sydgrønland
(Kal.: Kujataani nammineq nerukkaatiliat seqummarlutat tangeqassutsimikkut uuttuutaat)
Allaatigisaq:
Suliniummi Kujataani savanut nammineq nerukkaatiliat seqummarlutat tangeqassutsimikkut uuttuutaat misissussallugu anguniagaavoq immikkut isiginiarneqarlutik arrortinneqarsinnaassusaat, nukissartaat, nukissartaani pingaarneq (protein) aliguusartaallu (mineraler) immikkut isiginiarneqarlutik. Naammattusaatitut nerukkaatissamaatissarsilluarnissaq siunertaralugu ukiuuneranilu nerukkaanerup pilersaarusiorluarnissaa savaatilinnik ilisimasatigut uppernarsiissaaq, taamaasilluni savat naartunerminni, ingammik nukissamik pingaarnermik aliguusanillu tangilinnik, pitsaanerpaamik pissamaaserneqassapput. Savaaqqat pinngoqqaarnerminni ivigartulinnginneranni aallartiffeqarluarnissaannut aalajangiisuuvoq. Kujataani Igalikumi Qassiarsummilu savaateqarfinni marlunni taakkunani nikerassusaat assigiinngissusaallu ilisimalerniarlugit qillerilluni imullugit asiunaveersakkanik poortukkanit suliniummi misissugassanik piiaasoqassaaq. Savaateqarfiit taakku marluk ilisimatusaatitut suliniummi siornatigut nunami issup pissusaat Aarhusip ilisimatusarfiani ilisimatusartunit misissorneqarnikuupput, taamaasillutik nerukkaatissat pitsaassutsimikkut angusaat atassuseqarneqarsinnaassapput. Misileraatissanik tigusinernut atatillugu poortukkat oqimaassusaat uuttortarneqassapput, taamaasilluni poortukkap ataatsimut tangiata imarisaat pillugit ilisimasat savaatillit ataasiakkaat ukiuunerani nerukkaanissaat pilersaarutaannut ilanngunneqarsinnaalluni. Naggasiutigalugu Kujataani karrit sorliit naatinneqartariaqarnissaannik naliliinermut nerukkaatissat tangeqassutsimikkut uuttuutaat ataasiakkaangui ilanngullugit ilisimatsat uppernarsaaqataassapput.
Inuiaqatigiinnik ilanngussinermik periutsit:
Kujataani Namminersorlutik Oqartussaqarfimmi uumasut nakorsatut atorfilittaq, siunnersuisarfik SPS-ilu ataavartumik suliniut pillugu sumut killinnermik nalunaarfigineqartassapput misiliutissatullu tigusinermut peqataanissamik neqeroorfigineqassallutik, savaatillillu suliniummi toqqaannaq ilaatinneqassallutik.
Inuiaqatigiinnut paasissutissiinermik periutsit:
Nalunaarusiaq naatsoqnerukkaatinik misileraatinik misissueqqissaarnermi inernernik kingullernik inaarusialik tamanut ammasumik aaneqarsinnaasunngorumaarpoq piumasunullu nassiunneqarumaarluni.
