Er D-vitamin status relateret til type 2 diabetes i Grønland? (Kal.: Nunatsinni D-vitamineqassuseq sukkorneq type 2-mut atassuteqarpa?)
Aqutsisoq
Nina Odegaard Nielsen
Sammivik suliffillu:
Peqqisusilerineq / Peqqissaanermut Peqqissutsikkullu Ilisimatusarnermut Institutsi
Qulequtaq:
Er D-vitamin status relateret til type 2 diabetes i Grønland?
(Kal.: Nunatsinni D-vitamineqassuseq sukkorneq type 2-mut atassuteqarpa?)
Allaatigisaq:
Kalaallit innuttaasuinik misissuinerit ilisimatuup Peter Bjerregaard-ip suliarisimasaani aallaaveqarluta kalaallini inersimasut aaminni D-vitamineqassusaat uuttortarnikuuagut naatsorsukannerlugulu D-vitamineqassutsip piffissap ingerlanerani (1987-2010) allanngornera. Inerneriugallartut ersersippaat 1987-imiit annertungaatsiartumik apparsimasoq. Maanna sukkorneq type 2-mut D-vitamiineqassuserlu ataqatigiinnersut mississorniarparput. Sukkorneq type 2 aamma D-vitamiineqassuseq appasissoq ataqatigiinnerat uppernarsaaserluarnikuuvoq; D-vitamineqassuseqarpiannginneq insuliiniliorsinnaarpiarunnaarsitsisarsorineqarpoq insuliinimullu malussarpiarunnaartitsilluni. Kalaallit utoqqassat 30 %-ii sinnerlugit sukkorput imaluunniit sukkortunngoriaannaallutik. Tamanna annertuumik akulikippoq Nunatsinnimi 1980-ikkut sioqqullugit sukkorneq ilisimaneqarpiaranilu malugineqarpiarneq ajormat.
Kalaallit inuiaqatigiianni nerisamik allannguinerit ileqqut malillugit nerisaaseq (kalaalimerngit, soorlu nerpik puisillu aamma arferup neqaa orusalu) D-vitamiineqangaatsiartunik nerisarunnaarneq europamiut nerisassaataannik eqqussanik nerineqarnerulersut (qallunaamerngit) D-vitamiinikitsuararsuit kinguneraa kalaallit akorngini arlalipparujussuit D-viitamiinimik amigaateqalernerat.
Isumliutersuutigigallarparput kalaallit D-viitamiineqarpianngitsut sukkernermik type 2-qaleriataarsinnaasut, tamatumannga siunnersuutigigatsigu kalaallit D-vitamiineqarpiannginnermut malussajasuararsuusut inuttut sananeqaatiminni kalaaliminerni D-viitamiinip katersuuttarnerinut annertuunut tulluarsarnikuummata. Taamaappat D-vitamiineqassutsip qaffasissusaa inuiaqatigiinni allani nalinginnaasuugaluartoq kinguneqartitseratarsinnaavoq type 2-mik sukkortunngornermik. D-viitamiineqarpiannginnerup type 2-millu sukkortuunerup ataqatigiinnerannik ilisimasaqarneq tunngaviliisinnaavoq Nunatsinni D-viitamiineqarpianngitsitsinaveersaarnermut peqqissutsikkullu pitsaasumik kinguneqartitsilluni.
Nalunaarusiaq inaarinertalik:
Er D-vitamin status relateret til type 2 diabetes i Grønland?
