DBH – Den blå hylde (Kal.: Imarmi iliveqarfik)

Aqutsisoq:
Rasmus Nygaard

Sammivik suliffillu:
Pinngortitaq – Pinngortitaleriffik

Qulequtaq:
DBH – Den blå hylde
(Kal.: Imarmi iliveqarfik)

Allaatigisaq:
Ullutsinni aalisarnermik sakkunik annaasatta aalisagaqassutsimut inuussutissarsiornermullu sunniutaannik tamakkiisumik paasisimasaqartoqanngilaq. Ningittakkat, qassutit, assagiarsunniutit, aalisariutit vaajarii allallu eqqagassat annaasat annertussusaat aalisarnermut akornutaasorujussuuneri qularnanngilaq. Nunatsinni kisitsisilerlugu immap naqqanut eqqakkanik kivinikunik misissukkanik peqanngilaq takusartakkalli ersersitsikannerpaa qassutit annaasat aalisakkanik malugineqanngitsumik napittoortitserujussuarneq kingunerisinnaagaa. Nunat akorngini misissukkat qassutit annaasat aalisarsinnaassuseq 20 procentit tungaanut piffinni sivisuuni ukiorpaalussuarniusinnaasorlu napittoortitsiuarsinnaaneri ersersippaa. Napittoortitsisarneq piusarpoq sakkut annaaneqaraangata amuaqqinneqarnerlu ajoraangata. Taamaasillutik aalisakkat napittarput taassumunngalu atatillugu ass. assagiarsunnik ussagartitsisarlutik, kingunerisaanik aamma qassummut napittoorlutik toqqutigalugu. Immami itinerusumi qassutinik qaleralinniarneq ingerlanneqangaatsiarpoq ajornartorsiutaasinnaallunilu. Peqqutaavoq immami itisuumi tinittarnera ulittarneralu, maliit, qeqqussat ilulissallu qassutinut sunniuteqartannginneri, taamaammallu aalisartoqaannarsinnaalluni. Pileriartorneq taanna spøgelsesfiskerimik (napittoortarneq) taaguuteqarpoq imarmilu uumasoqassusermut annikillisaataasorujussuusinnaalluni, inuussutissaqarnermut inuiaqatigiinnullu annaasaqataasorujussuusinnaalluni. Ullutsinnili ilisimaneqanngilaq eqqakkat immap naqqaniittut qanoq annertutiginersut. Suliniummi misilillugu isiginnaarutikkut immiussat atorlugit qassutinillu amuaaniarsarinermi qulaajarneqassaaq.