Ullumi Kalaallit Nunaanni ilisimatusartartut umiarsuaat nutaaq Tarajoq Nuup umiarsualivianut tikippoq. Tikinnera Kalaallit Nunaani immami misissuinermut sunniuteqarluartussaavoq. Tarajoq kilisaatersornermut atortoqarlunilu multibeam-itissusersiuteqarami ilisimatusarnernut avatangiisinillu misissuinernut maannamut naleqqiullugu iluaqutaanerussaqaaq.
26. april 2022
Ullumi Kalaallit Nunaanni ilisimatusartartut umiarsuaat Tarajoq Sikukimut – Nuummi umiarsualivimmut, tulappoq. Ilisimatusartartut umiarsuaat, 61 meterinik takissusilik 235 mio. kroninillu akeqarsimasoq, ilisimatusarnermi aningaasalerneqarsimasuni akisunerpaasup Kalaallit Nunaanni immami misissuinermi piffissaq nutaaq nalunaarpaa. Umiarsuaq nutaaliaanerpaamik teknologilik immami uumassutsinik geologiskiusunillu misissuinissanut pitsaanerusunik periarfissiivoq.
– Tarajoq-p multibeam-itissusersiutaanik immap naqqani itinermut misissuisinnaanngorpugut. Sanna atorlugu 1000 meterimut ititigisuinnaq tikissinnaasimavarput, Tarajoq-millu immap naqqa 3000 meterit tungaanut ititigisoq assiliorsinnaanngorparput. Ilutigalugu immap naqqata geologiskimik sananeqaataa misissorsinnaalissavarput. Aatsaavissuaq Kalaallinit ilisimatusartartunit ingerlanneqassaaq, tamannalu nuannerluinnarpoq, Pinngortitaleriffimmi ilisimatusartartoq, Diana Krawczyk, Pinngortitaleriffimmeersoq oqaluttuarpoq.
Pinngortitaleriffimmi suleqatini, Zoological Society of London, University of Vermont, DTU Aqua, aamma GEUS peqatigalugit maanna Qeqertarsuup Tunuani immap naqqata ilaa, immikkut soqutigineqartoq, misissortussanngorpaat.
– Imartat aalisarfigineqarsinnaasut, immap naqqani uumassusillit koraleqarfiillu immap naqqanit aallaaveqarput. Piffiit aalajangersimasut ilisimalerutsigit soqutiginaatillit naatsorsorsinnaalissavagut, ass. kinguppaqarfiit qaleraleqarfiillu. Ilutigalugu koraleqarfiit mianerisassat illersorniarlugit kilisaatersortunit akornuserneqartussaanngisut sumiissusersissavagut.
Immap naqqata assiliornera kinguppannik qaleralinnillu MSC-nik akuersissusiornermi pingaaruteqarnerpaavoq
Ilisimatusartartut immap naqqanit tigusinikkut videoliornikkullu immap naqqata geologiskimik ilusaa assiliorlugu uumassusillit, aalisakkat immallu naqqani uumasut sorliit sumiittarnersut paasiniarnerinut iluaqutaassapput.
– Iluanaarutigalugu aalisarnermut uumassusillit sumiinneri iluaqutaassaaq, aalisarneq ingerlalluarnerulersinnaavoq, ilutigalugu piffiit uumassusillit mianerisassanik illersorneqarsinnaapput, Kalaallillu Nunanni piffissaq ungasinnerusoq isigalugu piujuartitsiluni immap pisuussutai atorneqassallutik, ilisimatusartartoq Diana Krawczyk oqarpoq.
Raajanik qaleralinnillu MSC-mik akuersissusiornermi ullumikkut immaq naqqata nakkutigisinnaa pingaarnersaavoq.
Suliniut pillugu erseqqinnerusumik atuarsinnaavat: “New technology for marine biological and geological research in Greenland”.
Suliniut Pinngortitaleriffimmit ingerlanneqarpoq Nunatsinnili Ilisimatusarnermik Siunenrsuisoqatigiinnit Danskit immami ilisimatusartartunillu, Dansk Center for Havforskning-imit tapersersorneqarpoq
Erseqqinnerusumik paasissutissat:
Ilisimatusartartoq Diana Krawczyk, Pinngortitaleriffik, tlf. 361200, e-mail: dikr@natur.gl
Allatsi Maliina Jensen, Nunatsinnili Ilisimatusarnermik Siunenrsuisoqatigiit, tlf. 361200/222090, e-mail: maje@natur.gl
