Ilisimatusartunngorusuppit? Ph.d-nngornianut aningaasaliissutinik qinnuteqarnissat eqqarsaatigaajuk? Ph.d ilinniarfik aamma Nunatsinni Ilisimatusarnermik Siunnersuisoqatigiit ilisimatusarnermut tunngasumik oqalugiarnermut aaqqissuussamut pissanganartumut qaaqqusipput.

Sisamanngorneq 26. november nal. 16.30-18.30
Ilisimatusarfiup auditoriaani (onlinekkullu).
Kikkunnut: ilinniartunut aammalu kikkunnulluunniit ilisimatusanngorusuttunut

Tassani ph.d-nngorniat pingasut ilisimatisarnerminni ingerlatatik immikkut oqaluttuarissavaat, aammalu anguniakkatik, misilittakkatik ph.d-nngorniarnermullu siunnersuutitik oqalugiaatigissallugit, taakkulu ukuupput:
Kirstine Eiby Møller, ” Nunasiaataanerup nalaani kulturit naapinneri: Inuit Qatanngutigiinniallu naapinnerini ulluinnarni inooriaatsip kulturillu allanngoriartornera sukumiisumik misissorneqartussami.”.

Paneeraq Noahsen, “Thyroid function and autoimmunity among populations in Greenland with 10 and 20 years follow-up”.

Victoria Buschman, “Indigenous contributions to Arctic biodiversity conservation”.

Kingorna Nunatsinni Ilisimatusarnermik Siunnersuisoqatigiit siulittaasuat, Josephine Nymand, ilisimatusarnermik siunnersuisoqatigiit ph.d-nngornianut aningaasaliissutaasartut, qinnuteqartutullu ajutoorfiusinnaasut eqqumaffissat kiisalu ph.d-nngorniarnermi aningaasaliissutinut qinnuteqartunut piumasaqaataasut pingaarnersiuinermilu qanoq nalileeriaaseqarneq pillugit oqaluttuassaaq.

Naggataatigut Q&A-rtoqarnissaa periarfissaavoq, aallartitat peqataasullu akornanni inuiaqatigiinni ilisimatusarnerup inissisimanera Kalaallillu Nunaanni ilisimatusarneq sumut ingerlanersoq ataatsimut eqqartorneqassalluni.

Aaqqissuussaq kalaallisut, danskisut tuluttullu ingerlanneqassaaq nutserisoqarumaarlunilu.
Kaffeqassaaq, teeqarluni kaageqarlunilu.
Auditoriami peqataasinnaasut amerlanerpaat 30-upput. Peqataaniaruit onlinekkulluunniit peqataaniarlutit, attaveqarfiusussat tassaapput nis@nanoq.gl imaluunniit tlf. 361255.