Nunatsinni Ilisimatusarnermik Siunnersoqatigiit aamma Pinngortitaleriffik ph.d.-mik stipendianut (ukiut pingasut) kiisalu postdocimik stipendianut (ukiut marluk) qinnuteqaatinik matumuuna pissarsiorput.
Stipendiat ilisimatusarnermik ineriartortitsinermik, ilisimatusartunik nutaanik piorsaaneq kiisalu Kalaallit Nunaanni pitsaassuseqarluartumik ilisimatusarnerup nukittorsarneqarnissaa siunertaraat. Ilisimatusarnerup iluani sammisanut tamanut qinnuteqartoqarsinnaavoq.
Nunatsinni Ilisimatusarnermik Siunnersoqatigiit ilisimatusarnermik inuiaqatigiinni najukkami tunngaveqartumik aammalu Kalaallit Nunaanni inuiaqatigiinnut naleqquttumik tapersersuisarput. Taamaattumik qinnuteqartut naatsorsuutigineqarpoq nassuiaassagaat suliniut Kalaallit Nunaanni Ilisimatusarnermut Periusissiamut qanoq tapersiissanersoq aammalu najukkami suleqatit soqutigisaqaqatigiillu qanoq peqataatinneqassanersut.
Kikkut qinnuteqarsinnaappat?
Uku pillugit qinnuteqartoqarsinnaavoq:
- Ph.d.-mik stipendiat (ukiut pingasut)
- Postdocimik stipendiat (ukiut marluk)
Qinnuteqartoq Kalaallit Nunaanni ilisimatusarnermik avatangiiseqartumut attuumassuteqassaaq aammalu ilitsersuummi piumasaqaatit naammassissallugit.
Qinnuteqarnissamut killigititaq
- oktober 2026
Qinnuteqarnissamut atortussat
Qinnuteqaat qinnuteqarnissamut immersugassami atuuttumi immersorneqassaaq, ilanngussallu tamarmik ataatsimut PDF-filinngorlugit nassiunneqassallutik. Qinnuteqaatit qallunaatut imaluunniit tuluttut nassiunneqarsinnaapput.
Ilitsersuut
Piumasaqaatit, qinnuteqarnissamut maleruagassat, missingersuusiornissamut ilitsersuutit, nalilersuinermi tunngavigineqartut kiisalu paasissutissat allat ilitsersuummi atuarneqarsinnaapput.
Ilitsersuut ataani aaneqarsinnaavoq.
Apeqqutit
Nalunaarut pillugu apeqqutit Klaus Nygaard allattoqarfianut nassiunneqarsinnaapput uunga stipendier@natur.gl imaluunniit sianerluni +299 36 12 00.