Kalaallit islandlermiullu ilisimatusarnikkut suleqatigiinneq pillugu workshoperneq

Sapaatip akunnerani uani kalaallit islandermiullu ilisimatusartut, ilinniarfinnit suliffeqarfinnillu aallartitaasut 60-init amerlanerit aalisarneq, imaatigut aningaasarsioneq, silap pissusaanik ilisimatusarneq ilinniarfiillu geopolitiskiusut suleqatigiissutaanerat pitsaanerusumik ingerlanniarlugit ineriartortinniarlugillu katersuutissapput.

23. august 2022

Sisamanngorneq tallimanngornerlu Nunatsinni ilisimatusarnermik Siunnersuisoqatigiit, Arctic Hub, Pinngortitaleriffik aamma Ilisimatusarfik workshopertitsissapput ’aalisarneq aamma immami aningaasarsiorneq – silap pissusaa geopolitikkilu’ (fiskeri og blå økonomi – klima og geopolitik) islandimi ilisimatusartarfik Rannís aamma Icelandic Arctic Cooperation Network aaqqissueqataaffigisaannik. Workshoppimi susassaqartut siammasissut katersuutissapput isumassarsianik avitseqatigiinnertaqartumik, attavinnik pilersitsineq suleqatigiissutissallu peqataasunut iluaqutaasinnaasut ineriartortinniarlugit.

Islandimit suliffeqarfiit tikeraartut:

  • Marine and Freshwater Research Institute
  • Icelandic Meteorological Office
  • Auðna Technology Transfer Office
  • Matís
  • University of Iceland
  • University of Akureyri
  • Agricultural University of Iceland
  • Rif Field Station
  • Rannís – Iceland Centre for Research
  • Icelandic Arctic Cooperation Network

Workshoperneq Katuami Ilimmarfimmilu ingerlanneqassaaq Ilimmarfik ullut 25.-26. august, Arctic Circle Greenland Forum sioqqullugu pisoqarfiussalluni.

 

Facebook
Email
Scroll to Top