Ilisimatusarfimmi prorektorimik aammalu Kulturimut, Oqaatsinut Oqaluttuarisaanermullu Institutimi institutlederitut atorfilik, Mari Kleist, Naalakkersuisut aalajangiinerisigut Nunatsinni Ilisimatusarnermik Siunnersuisoqatigiinni siulittaasunngortinneqarpoq. Mari Kleistip Mitdlarak Lennerti taarserpaa, taannalu nunatsinni ilisimatusarnermik nukittorsaanissamut ingerlatseqataalernissaminut qilanaarpoq.

Nunatsinni Ilisimatuarnermik Siuneersuisoqatigiit nuna tamakkerlugu ingerlatsiviuvoq attuumassuteqanngitsoq, nunatsinnili ilisimatusarnermut nukittorsarnissaa inuiaqatigiinnut iluaqutaasussatut siunertalik.
Siunnersuisoqatigiit suliassaat pingaarnerit marluk tassapput: ilisimatusarnermik aningaasanik tapiinissaq aalajangiisartunut soqutigisaqaqatigiinnullu ilisimatusarnikkut ilisimatusarnikkullu politikkikkut siunnersuineq.

Mari Kleisti siulersuisutut toqqarneqarnini pillugu ima oqarpoq:

– Siulersuisutut ilisimatusarnerup inuaqatigiillu akornanni suleqatigiinnerup nukittorsarnissaanut qilanaarpunga, taamaalilluni ilisimatusarneq kalaallinut naleqquttuullunilu iluaqutaaniassammat. Ilisimatusarneq attuumassutilinnit sunnerneqartussanillu ilusilerneqarlunilu aqunneqassaaq, Kalaallillu Nunaanni nunat assigiinngitsut suleqatiginerini ilisimatusarnerup peqataatitsisuunissaa naapertuilluartuunissaalu qulakkeernissaat qilanaaraara. Taakku saniatigut, Naalakkersuisut ilisimatusarnermik periusissiaanni politikkikkut takorluukkat anguniakkallu piviusunngortinneqarnissaannut ingerlaqqissinnaanissaq qilanaaraara.

Nunatsinni Ilisimatusarnermik Siunnersuisoqatigiit pingaarutilimmik inissisimapput nunatsinni ilisimatusarnermut aningaasanik tapiissuteqartarlutik, aalajangiisartunut ilisimatusarnermuk tunngasunik siunnersuinermillu suliaqartarlutik. Taakkua saniatigut, nunarsuaq tamakkerlugu ilisimatusarnikkut suleqatigiinnermut Kalaallit Nunaata peqataatinneqarneranut nukittorsaanermik suliaqaqataasarput aammalu inuiaqatigiinnut iluaqutaasussamik ilisimatusarnermik siammarterineq tapersersorlugu.