Nunatta Danmarkillu akornganni oqaluttuarisaanerisa qulaajarneqarnissaanut ilisimatusartoqatigiit aqutsisussaannik siunnersuuteqarnissamut kajumissaarut
(KILLIGITITAQ 01.10.2023 nal. 16.00 kalaallit nalunaaqutaat malillugu / qallunaat nunaanni nal. 20.00.)
| OBS: Tallimanngorneq 15. september 2023 nutarterneqarpoq. Piukkunneqartut marluk ataatsikkut ilisimatusarnermik aqutsisoqatigiittussanngorlugit innersuunneqarsinnaapput. |
Nunatta Danmarkillu naalakkersuisuisa ulloq 9. juuni 2022 ataatsimoorlutik aalajangiuppaat sorsunnersuaq kingullerminngarnik maannamut Kalaallit Nunatta Danmarkillu akornganni oqaluttuarisaanermi pissutsit tamarmik ingerlasimanerat qulaajarneqassasoq.
Ilisimatusarluni suliniummut najoqqutassat Nunatta Danmarkillu oqaluttuarisaanerata qulaajarneqarnissaanut suliakkiutip oqaasertalersorneqarnera Naalakkersuisut Danmarkimilu naalakkersuisut ulloq 22. juni 2023 isumaqatigiissutigaat.
Nunatsinni Ilisimatusarnermik Siunnersuisoqatigiit aammalu Danmarks Frie Forskningsfond peqatigiillutik suliakkerneqarput, Nunatta Danmarkillu akornganni oqaluttuarisaanerup qulaajarneqarnissaanut ilisimatusartoqatigiinnut aqutsisussatut piukkunnaateqarsinnaasunik Ilinniartitaanermut, Kultureqarnermut, Timersornermut Ilageeqarnermullu Naalakkersuisumut aammalu ilinniartitaanermut ilisimatusarnermullu ministerimut innersuusseqqullugit.
Tamanut kikkulluunniit periarfissinniarlugit, kattuffiit pisortanik inunnilluunniit ataasiakkaanik ingerlanneqartut periarfissinniarlugit piukkussaminnik ataatsimik arlalinnilluunniit siunnersuuteqaqqullugit, inuilluunniit ataasiakkaat imminnut piukkullutik nalunaaruteqarnissaannut kajumissaarneqarput. IIlisimatusartoqatigiinnut aqutsisuusussaq Ilinniartitaanermut, Kultureqarnermut, Timersornermut Ilageeqarnermut Naalakkersuisumit aammalu Danmarkimi Ilinniartitaanermut ilisimatusarnermullu ministerimit toqqarneqartussaavoq.
