Josephine Nymand, Nunatsinni Ilisimatusarnermik Siunnersuisoqatigiinni siulittaasup, pituttorsimanani ilisimatusarnerup silarsuaannnut tunngasunik viinnisornertalimmik oqaloqatigiinnertalimmillu tusarnaartut oqalugiarfigitissavai.
Ukiut tamaasa Nunatsinni Ilisimatusarnermik Siunnersuisoqatigiit Kalaallit Nunaanni ilisimatusarluarnerpaat ilaat tapiiffigisarpaat. Ilisimatusartut isumassarsiorluarnerpaat ilisimatusarnerillu inuiaqatigiinnut iluaqutaasinnaasut tunngavigalugit aallartisaasut tapiiffigineqartarput. Ilimatusartut taamaattut ilaat unnut taanna katersuutsissavagut, taamaalilluta ilisimatusarnermi eqqarsaatersuutit inuttalerlugit ilisimatusarnerup silarsuaani sammisat pingaarnerit eqqartorsinnaassallutigit.
Unnuup ingerlanissaa:
19.30: TIKILLUAQQUSINEQ, Josephine Nymand, Nunatsinni Ilisimatusarnermik Siunnersuisoqatigiit Siulittaasuutigaluni biolog-i, Pinngortitaleriffimmi Avatangiisinut Aatsitassanullu immikkoortortaqarfimmi aqutsisoq
19.35: Pinngortitap nukingi pillugit: Kalaallit Nunaanni sermimi tasinnguuttartut
Penelope How, Asiami remote sensing specialist-i, Sermersuup sinaani sermip qaavani tatsit pillugit oqaluttuassaaq. Tatsinut ilisamat, aammalu taakkununnga ilisimasat qanoq silap pissusianik ilisimatusarnermut pisortallu aarlerinaateqarnermik nalilersuinerinut – taamaalillutik tassaarsuaqarsinnaanermut, sualummik sanaartorfiusimasuni takornariaqarfinnullu kalerrisaarisinnaaneq pitsaanerulersissinnaanerlugu eqqartussavai.
19.50: Silap pissusaa allanngoriartortoq: Nuup kangerluani sermip allanngorartuunera
Kalaallit Nunaata sermersua ingerlaartuartuuvoq, sinerissallu tungaanukarnermini kangerluit sermillu iigartartut aqqusaartarlugit. John Mortensenip, oceanograf-iusup Kalaallillu Nunaanni Silap Pissusaata Ilisimatusarfiani ilisimatusartuusup silap pissusaata allanngorartuani sermit Nuup Kangerluata qinnguaniittut assigiinngitsorpassuit pillugit oqaluttuassalluni.
20.05: ILISIMARUSARTUT OQALOQATIGIINNERAT, Josephine Nymandip Penelope How aamma John Mortensen oqaloqatigissavai.
20.15 UNILLATSIARNEQ, Vinslottet assigiinngitsunik viinninik sassaallissaaq
20.30: Timikkut, tarnikkut anersaakkullu peqqissuseq
Oqaaseq ´Peqqinneq´ suulluunniit pissusissamisoornerinut oqaluttuartuuvoq. Peqqinnermut paasinnittaaseq ilivitsuusumik isiginnittuuvoq, inuillu sunnertittarneranut tunngasuulluni – alliartornermi, ilaqutariinnermi, ataatsimoornermi, suliffeqarnermi, pingaartitani, kalaaliminernut, pinngortitamiissinnaanermut, minnerunngitsumillu qamuunakkut oqimaaqatigiissutut, nukissaqartutut kinaassuseqartutullu misiginermut tunngasuulluni.
Ingelise Olesen, ernisussuiortoq Kalaallillu Nunaanni Peqqissusermik Ilisimatusarfimmi ilisimatusarnermut ataqatigiissaarisuusoq, inunnut ataasiakkaanut peqqinnerunermik inooriaaseqarniarnermi nunatsinni najugaqavissut pingaartitaasa nukittuffiisalu aallaavigisarnissaata pingaaruteqassusaannik oqaluttuassaaq.
20.40: MANU angajoqqaanngornissamut piareersarneq – nuna tamakkerlugu aaqqissuussaq aaliangernermiit piviusunngortitsineq
Meeqqap naartorineqalernerminiit aappiinissaata tungaanut ullut 1000-t siulliit tassaapput meeqqap toqqammaviusumik peqqinnissaanut peroriartornissaanullu pingaarutilerujussuit. Christine Ingemann, Ilisimartusarfimmi Statens Serum Institut for Folkesundhedimilu ph.d.-nngorniaq ilisimatusarnermini suliani MANU, Angajoqqaanngornissamut piareersarnerup atuutsilernerani malinnaaviginnissimanini saqqummiutissavaa. Paasisani siulliit aammalu paasisani taakkua qanoq ililluni tigussaasumik pigiliunneqarluarsinnaaneranik qulakkeerinnissinnaasimanerluni paasititsissaaq.
20.50: ILISIMARUSARTUT OQALOQATIGIINNERAT, Josephine Nymand Ingelise Olesen aamma Christine Ingemann oqaloqatigiissapput
21.00 Unnunmmut QUJANAQ.
Akia: 40 kr. – inissaq qulakkeerniarukkut nalunaarfissaavoq nuutoqaq@nuutoqa.gl imlt. tlf. 366031
Saqqummerpoq 19. februar 2021
