Nutaarsiassat

Kalaallit Nunaanni Ilisimatusarnermik Siunnersuisoqatigiit pingasunik nutaanik ilaasortaqalerput, taamaalillutik ilisimasaqarluarnertik tunuliaqutigalugu Kalaallit Nunaanni aallaaveqartumik ilisimatusarnermik siuarsaaqataasussanngorlutik. Siulittaasoq Josephine Nymand aammalu ilaasortat allat sisamaasut qinigaaqqipput. Ilaasortanik pingasunik nutaanik qinersinerup Kalaallit Nunaanni Ilisimatusarnermik Siunnersuisoqatigiit ingerlatsiinnarnissaminnut aammalu siunnersuisoqatigiit suliaqarnerminni , ilaatigut ilisimatusarfinni Kalaallit Nunaannut tunngassutilinnut ilisimatusarnermi suliniutinik toqqaanissamik aningaasaliinissamillu imaqartumi, nutaanik nukissaqalernerat qulakkeerpoq. Siunnersuisoqatigiinni ilaasortat allat peqatigalugit ilisimatusarluni ilinniarnermut […]

Namminersorlutik Oqartussat ilisimatusarnermik siuarsaanermut tapiissutaanut qinnuteqarneq Nunatsinni Ilisimatusarnermik Siunnersuisoqatigiit Namminersorlutik Oqartussat sinnerlugit ilisimatusarnermut atatillugu qinnuteqaqqusivoq. Suliniutit Nunatsinni ilisimatusarfinnut attuumassuteqassapput, ilisimatusarnerit sammisat iluarsartuussaareersut arlaata arlallilluunniit iluannut tunngassuteqassallutik. Agguaassinermi suliniummut ataatsimut 100.000 koruunit angullugit tapiisoqarsinnaavoq. Qinnuteqarnissamut killissarititaq tassaavoq 1. oktobari 2020 nal. 12.00 Paasisaqarnerorusuppit? Nittartagarput alakkaruk: www.nis.gl Qinnuteqariarit Apeqquteqarpit? Allatsi Maliina Jensen  saaffigineqarsinnaavoq, e-mail: malj@nanoq.gl imal. oqar.