Sapaatip akunnerani uani ilisimatusartut, ilisimasallit aammalu aqutsisoqarfinni suliffeqarfinnillu aallartitat ataatsimoorlutik ilisimasat pillugit suleqatigiittarnerit eqqartussavaat. Tamanna pissaaq Nunatsinni ilisimatusarnermik siunnersuisoqatigiit Ilisimatusarfiullu 1. oktoberi Ilimmarfik campusiani seminari ”Ilisimatusarneq inuiaqatigiillu suleqatigiinnerat/oqaloqatigiinnerat”ingerlannerani.
28. september 2021, Josephine Nymand, Nunatsinni Ilisimatusarnermik Siunnersuisoqatigiinni siulittaasoq aammalu Gitte Adler Reimer, Ilisimatusarfimmi rektori, saqqummiissapput.
Kalaallit Nunaat inuiaqatigiinni piujuaannartitsisumik ineriartortitsisumik, peqataasunut tamanut iluaqutissaasumik, ilisimatusarnermik pisariaqartitsivoq. Ilisimatusarnerit taamaattunik ineriartortitsineq ilisimatusartut, innuttaasut, aqutsisoqarfiit suliffeqarfiillu akornanni nukittuumik suleqataasunik pisariaqartitsivoq, ilisimatusarneq taamaalilluni inuaqatigiinni pitsaanerpaamik iluaqutaasinnaallunilu atuutilersinnaammat.
Ullumikkut inuiaqatigiit iluanni aaqqiissutaasinnaasoq anguniarlugu ilisimatusarfigineqarsinnaasorpassuupput; ilisimasat aaliangiisartunut, aqutsisoqarfinnut suliffeqarfinnullu siunnersuillutillu aqqutissiuisinnaasut. Ilisimatusarfimmut Nunatsinnilu Ilisimatusarnermik Siunnersuisoqatigiinnut takorluugaavoq ilisimatusarnerup inuiaqatigiillu ataqatigiinnerannut nukittorsaanissaq, taamaalilluta ataatsimoorluta ilisimasassatut pisariaqartitat paasiniassallugillu ilisimalikkat pitsaanerpaamik atorneqarsinnaalernissaat qulakkeersinnaassallutigu.
Kalaallit Nunaanni ilisimatusarneq avataaniit siunnersorteqarneq pinnagu salliutinneqassaaq
Kalaallit Nunaanni ilisimatusarfiit ullumikkut inuiaqatigiinnut ilisimatusarnermullu ilisimasanik nutaanik pingaarutilinnik tunniussisarput. Ajoqaluartumilli ilisimatusarnerit nunami maani ingerlanneqartut avataaniit siunnersortilersorluni ingerlanneqartartut takussaapput. Tamanna nukinik pisariaqanngitsunik atuineruvoq. Taamaammat pingaaruteqarpoq nunatsinni ilisimatusarnerup ersinnerulernissaa, tamannalu pisinnaavoq aqutsisoqarfinnik, suliffeqarfinnik allanillu attuumassutilinnik suleqateqarnikkut, ilisimalikkallu nunatsinniiginnarnissaat aamma taamaalillutik qulakkeerneqarsinnaallutik. Ilisimatusarfimmut Nunatsinnilu Ilisimatusarnermik Siunnersuisoqatigiinnut takorluugaavoq ilisimatusarnerup inuiaqatigiillu ataqatigiinnerannut nukittorsaanissaq, taamaalilluta ataatsimoorluta ilisimasassatut pisariaqartitat paasiniassallugillu ilisimalikkat pitsaanerpaamik atorneqarsinnaalernissaat qulakkeersinnaassallutigu.
Seminar: Ilisimatusarneq inuiaqatigiillu suleqatigiinnerat/oqaloqatigiinnerat Seminari ”Ilisimatusarneq inuiaqatigiillu suleqatigiinnerat/oqaloqatigiinnerat” 1. oktober nal. 13-16 Ilisimatusarfiup kantiinaani ingerlanneqassaaq. Seminarimi ilisimasat pillugit suleqatigiinnermi sanillersuullugit isiginiarneqarsinnaasunik takutitsisinnaassaaq, qanorlu ilisimatusarnerup inuiaqatigiillu suleqatigiissinnaaneranut oqallinnermut periarfissiilluni. |