2018-2020 ingerlanerani ataatsimiisitsinerit naapeqatigiinnerillu ingerlannerini, peqataasut siunissami sulinissamut aningaasaliinissallu pillugit pingaarnersiuipput makkununng atunngasunik: Ilisimatusarnermut, pilersitseqatigiilluni ilisimatusarnermut, inuiaqatigiinnut saqqummiisarnerit, paarlaaseqatigiinnermut isumaqatigiinnerit, aammalu ilinniatitaaneq ilinniartunillu sungiusaanerit. .

– Qujamasoqaagut suleqatitta naapeqatigiinnermi ammasumik piumassusilimmillu periarfissat iliuusissallu USA-p Kalaallit Nunaallu akornanni ilisimatusarnermi suleqatigiinnerulernissaq eqqartormassuk. Naalakkersuisut Nuummilu suleqatigut amerlasuut avatingiisit ataatsimiiffiillu pitsaalluinnartut oqaloqatigiinnitsinnut attaveqaqatigiinnitsinnullu pilersippaat. Peqataasunut tamanut ersarippoq naapeqatigiinneq pisoq pingaaruteqartoq suleqatigiinnissami attaveqaatit suliniutillu pitsaasut angusaqarfiulluartullu anguniarneranni aqqutissat ujartorneranni. Pisinnaasarput naapertorlugu peqataasunit oqaloqatigiinnerit innersuussutillu ilanngunniarsimavagut, minitaqartoorsimaguttalu akisussaaffik tigussavarput, siulittaasoq Josephine Nymand oqarpoq.
Læs rapporten “facilitating increased engagement between the research communities of Greenland and the U.S.” her.

USA-p Kalaallit Nunaatalu suleqatigiinnerulernissamut innersuutaat Kalaallit nunaanni saqqummiineq ilanngullugu:

• Naapeqatigiinnerit, pisussat, ilisimatuunillu paarlaasseqatgiinerit aaqqissuuttarnissaanut nukittorsaaneq
  suleqatiinneq annertusarnissaanut pitsanngorsarnissaanullu aaqqiissutissaq oqallisigineqarnerpaasoq tassaavoq naapilluni ataatsimiinnernut periarfissat ineriartortinneqarnissaat. Ataatsimiinnerni inummiik inummut attaveqaatit, ingammik pilersaarusiutaareersumik pisarsinnaappata (soorlu ukiumut ataasia, imaluunniit ukiup marlukkaarlugit), suleqatigiilluarnissamut sunniuteqarluartarput.
• Pilersitseqatigiilluni aningaasaleeqatigiinnikkullu ilisimatusarneq
  Kalaallit Nunaanni ilisimatuut politikkikkullu sinaakkusisiisut nunap inoqqaavisa piffimmilu ilisimat ilisimatusarnermi ilanngunneqartarnissaat inuiaqatigiinni ineriartortitsinermi soqutigisarivaat. Kalaallit Nunaat USA-llu attaveqarnera nukittorsarneqassaaq suliniutit Kalaallit Nunaanni inuiaqatigiit pisariaqartitaannut nalimmassarneqartarpata, taavalu inuiaqatigiit USA-p Kalaallit Nunaanni suliaqarneranut paasinninnerannut iluaqutaassalluni. Kalaallit Nunaannut attuumassutilinnik taavalu inuiaqatigiinnut aalajangiisartunullu saqqummiunneqartartunik pilersuinermi iluaqutaassaaq Ilisimasanik pilersitseqatigiinneq ilumoortoq tassaavoq aallaqqaataaniilli suleqatigiilluni, ilisimatusarnermi apeqqutissat ilusilersorneqarnerni suleqatigiillunilu qanoq akinissaat inississorneqarnerani. Pingaarnersiuineq annertooq tassaavoq soqutigisat ernumanartitallu assigiiaat nassaariniarnissaa. Pilersitseqatigiilluni suliaqassagaanni pisariaqarpoq inuit attaveqatigiinnissaannik periarfissinnissaat. Ilisimatuut pisortatigoortumik pisortatigoortuunngitsunillu attaveqaatinik pilersitsisariaqarput inuiaqatigiinnilu ilisimatuut inuiqatigiinnilu ilaasortat attavigalugit.
• Aningaasaliisarnissamut suliniutit aaqqissuussaanerillu ineriartortinneqarnissaat suleqatigiinnermik tapersersuineq
  ningaasaliisarnissamut aaqqissuussaaneri pingaaruteqarneri suleqatigiinneq pilersinneqassappat. Peqataasut oqallisigaat aningaasaliissutit USA-meersut Kalaallit Nunaanneersulluunniit ilisimatuunut avataaneersunut piffissaliinerannut sulinerannullu atorneqartarsinnaaneri.
• Innuttaasunut ilinniartunullu saqqummiisarneq
  Innuttaasunut saqqummiisarneq Kalaallit Nunaanni suliniutini ingerlanneqartuni anguniakkatut ersarissumik allanneqartarnissaat innersuussutigineqarpoq. Kalaallit Nunaanniik peqataasut isumassarsiaat nalitupput pingaartinneqarlutillu.
• Kalaallit Nunaanni angallannermi attaveqaatit suliffeqarfiillu ilisimaarinneqalernissaat
  Kalaallit Nunaat angallannermut attaveqaataat ingerlalluarput, tassani pingaartumik Pinngortitaleriffimmit periarfissarititaasut; ilisimatusarnikkut umiarsuaq angallassissut, laboratoriat unnuiffissatulut periarfissarpassuit. Kalaallit Nunaanni illoqarfinni annerni nunaqarfinniluunniit ilisimatuunut attaveqarfiusinnaasumik peqartassasoq, suleqatissarsiornerminni, ilinniartussarsiornerminni imaluunniit ilisimatuunik. Kalaallit Nunaanni suliffeqarfiit assigiinngitsut ilisimatusarnermut ikorfartueqataasut ilisimalerneri. Tamanna aallartiffik pingaartuuvoq suleqatissanik atortorissaarutinillu ujaasinermi. 

  Saqqummersinneqarpoq 9. december 2020