Qinnuteqarneq

Nunatsinni ilisimatusarneq siuarsarniarlugu Nunatsinni Ilisimatusarnermik Siunnersuisoqatigiit ilisimatusarnermik iluarsartuullugu pilersaarusianut Nunatsinni ilisimatusarnermik suliffeqarfinnut atassuteqartunut aningaasanik tapiissuteqartarpoq.

Ilisimatusarnermik Siuarsaanermik Tapiissut I aamma II katillugit 900.000 koruuniupput Namminersorlutillu Oqartussanit aningaasaliiffigineqartarlutik. Peqqissutsimik Ilisimatusarnermik tapiissutit allanut atugassiaanngitsut ukioq naatsorsuiffimmi 2019-imi 300.000 koruuniupput konto-mullu Ilisimatusarnermut (Tapiissutinut konto) 2019-imoortumut nuunneqarnikuullutik.

Ilisimatusarnermik Siuarsaanermik Peqqissutsimillu ilisimatusarnermik tapiissutit 2019-imi naatsorsuiffimmi katillugit 1.200.000,00 koruuniupput.

90.000 koruunit iluarsartuullugu pilersaarusianut ataasiakkaanut annerpaamik tapiissutigineqartarpoq, ukiumut aningaasaliissutigineqartartut qulerarterutaat.

Nutserinerit, naqiterinerit assigisaallu ilisimatusarnermik iluarsartuullugu pilersaarusiami  ilaappata tapiissuteqartoqarsinnaavoq.  Ilisimatusarnerup inernerinik  saqqummersitsinerinnarmut/naqiterititsinerinnarmut nutserinerinnarmullu aningaasanik tapiissutinik qinnuteqartoqarsinnaanngilaq.

Overhead’inut aningaasaliisoqarneq ajorpoq. Isumasioqatigiinnernuttaaq aningaasanik tapiuteqartoqarneq ajorpoq. Ilisimatusarnermik iluarsartuullugu pilersaarusiami angalaneq ilaappat aningaasaliisoqarsinnaavoq.

Qinnuteqarnermi immersugassaq una atorneqassaaq