Periusissiorneq & forskningshub

Ilisimatusarnermik periusissiaq

Nunatsinni ilisimatusarnerup ataatsimoorussamik Nunatsinni ilisimatusarnermik suliffeqarfiit suleqatigalugit ingerlanneqartumik periusissiorluni isumasioqatigiinnissaq 2016-imi Siunnersuisoqatigiit aalajangerpaat.

Nunatsinni ilisimatusarnermik suliffeqarfiit namminneq ilisimatusarnermik periusissiartik saqqummiunnissaannut Nunatsinnilu ataatsimoorussamik ilisimatusarnermik periusissioqataanissaannut qaaqqullugit Nunatsinni Ilisimatusarnermik Siunnersuisoqatigiit Allatseqarfianit isumasioqatigiinneq aaqqissorneqarpoq.

 

Siunnersuisoqatigiit takorluugaat:

  • Nunatsinni ilisimatusarnermik suliffeqarfiit akunnerminni ilisimatusarnerup ataatsimut aaqqissuussilluarnerulernissaq suleqatigiilluarnerulernissarlu

 

Forskningshub (Qitiusumik ilisimatusartut naapiffiat)

‘Der er en stigende international interesse for forskning i klimaændringer og arktiske forhold. Kongeriget har med Grønlandsk unikke forhold mulighed for at styrke bidraget til den globale klima- og miljøforskning, styrke sin arktiske profil internationalt og bidrage til en lokal og bæredygtig vækst i Grønland. Mulighederne for et samarbejde mellem danske og grønlandske myndigheder om udvikling af en arktisk forskningshub i Grønland bør derfor undersøges’

-Taksøerapport 2016

 

Kalaallisut:

’Silap allanngoriartorneranik Issittumilu pissutsit pillugit ilisimatusarneq nunat akorngini soqutiginninneruleriartorneq piuvoq. Kunngeqarfik Kalaallit Nunaata immikkuullarissumik pissutsinik atugaqarmat nunarsuaq tamakkerlugu silamik avatangiisinillu ilisimatusarnermik tapersiisinnaanera annertusarneqarnissaanik periarfissaqarpoq, nunat akorngini Issittumi saqqumilaassutsini annertusarsinnaavaa Kalaallit Nunaatalu sumiiffinni ataavartitsisumillu ineriartorneq taperseeqataaffigisinnaallugu.
Danskit kalaallillu oqartussaasui akunnerminni suleqatigiillutik Kalaallit Nunaanni Issittumi qitiusumik naapiffissamik (forskningshub) ineriartortitsinissamik periarfissat misissorneqartariaqarput’

-Nalunaarusiaq Taksøe 2016

 

Isumasioqatigiinnerup qulequtaa:

  • Nunatta ilisimatusarnermik saqqumilaassusaa erseqqarissarnissaa
  • Tamatumani suliffeqarfiit akunnerminni ilisimatusarneq pillugu aaqqissuussilluarnissaq suleqatigiinnissarlu

 

Anguniagaq:

  • Ilisimatusarnermik Siunnersuisoqatigiit isumasioqatigiinnermit unnersuutigineqartut tunngavigalugit Nunatsinni ilisimatusarnermik periusissiornissap suliaralugu aallartisarneqarnissaa – Namminersorlutik Oqartussani Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik (IKIIN) suleqatigalugu.

 

Inaarut

Oktobari 2016’imi ‘Nunatsinni ilisimatusarnermi ataatsimoorussamik periusissiornissaq pillugu isumasioqatigiinneq’-mit inaarut Nunatsinni ilisimatusarnermi suliffeqarfinnit suleqataaffigineqarpoq ukunannga:

  • Ilisimatusarfik suliffeqarfiillu taassumunnga atassuteqartut
  • Pinngortitaleriffik ilisimatusarnermilu suleqatigiit taassumunnga atassuteqartut
  • ARTEK – Center for Arktisk Teknologi (Issittumi Iliuusissiornermik Qitiusoqarfia)
  • GEUS- De Nationale Geologiske Undersøgelser for Danmark og Grønland (Danmarkimi Kalaallit Nunaannilu Naalagaaffiup pigisaani Ujarassiornermik Misissuinerit)
  • Asiaq – Grønlands forundersøgelse (Nunatta misissueqqaarfia)
  • Nunatta Katersugaasivia Allagaateqarfialu
  • Ilisimatusarnermik suleqatigiit IKIIN’imi, Naaminersorlutik Oqartussat
  • Nunatta Peqqinnissaqarfia
  • Namminersorlutik Oqartussani ujarassiornermik immikkoortortaqarfik
  • Naatsorsueqqissaartarfik

Inaarut uani atuarsinnaavat