Killigititaq suliarinninnerlu

Qinnuteqarnissamut killigititaq qinnuteqaammillu tunniussineq

Qinnuteqarnermut tunniussinissaq marsip oktobarillu aallaqqaataani nal. ullup qeqqanut killigitinneqartarpoq.

Killigitinneqartoq nalliuttuuppat ulluinnarmut siullermut pisussamut nuunneqartarpoq.

Qinnuteqaatip annertussusaa annerpaamik 5 MB’iussaaq ataatsimullu pdf’inngorlugu uunga nassiunneqassalluni:

Nunatsinni Ilisimatusarnermik Siunnersiuisoqatigiit Allatseqarfiat

e-mail: nis@nanoq.gl

 

Qinnuteqaammik suliarinninneq

Qinnuteqarnermut killigititamiit sap. ak. arfineq pingasut suliarineqarnissaa naatsorsuutigineqassaaq.

Qinnuteqartut tamarmik allakkatigut qinnuteqaatip qanoq kinguneqarsimaneranik nalunaarfigineqartarput.

 

Qinnuteqartup kukkusumik qinnuteqarsimasup nutarsaanera pillugu

Qinnuteqartoq qinnuteqarfissap killigititaasup sioqqullugu paasiguniuk amigartumik qinnuteqaammik nassiussisimalluni qinnuteqaat tamakkiisoq nassiuteqqinneqassaaq. Qinnuteqartup Nunatsinni Ilisimatusarnermik Siunnersuisoqatigiit Allatseqarfiat qinnuteqaammik nutaamik nassiussinermini nassiussimasaminut amigartumut taarsiullugu nassiullugu nalunaarutigisariaqarpaa.

Qinnuteqarnissamut killigititaq qaangerneqarsimappat qinnuteqartup qinnuteqaat amigartup nassiussimasaa tunngavigalugu nalilersorneqassaaq.

 

Aningaasaliiffigitinnissamut piumasaqaatit malinneqartussat

Qinnuteqartup nalilersorneqarnissaminut naatsorsuutigissavaa taamaallaat:

  • immersugassaq nittartakkami www.nis.gl’imiittoq immersorsimaguniuk
  • qinnuteqarnermi immersugassamiittut tamaasa iluamik immersuiffigisimagunigit
  • qinnuteqarnermi killigititaasoq qaangersimanngippagu
  • quppernerit amerlassusissatut nalunaarutigineqarnikut qaangersimanngippagit
  • siornatigut aningaasanik Ilisimatusarnermik Siuarsaanermik aningaasaliissutinik tapiiffigitissimalluni Nunatsinni Ilisimatusarnermik Siunnersuisoqatigiit Allatseqarfianut nalunaarusiorsigaanni (imaappoq nalunaarusiorsimagaanni qinnuteqarnermi immersugassiami toqqagassami nalunaarutigineqassaaq nalunaarusiorsimaneq; nalunaarusiornermi immersugaq qinnuteqarnermi immersugaq takuneqarsinnaassaaq).

Sumiluunniit innuttaassuseqaraluaraanni piumasaqaatit malinneqartussaapput.

 

Naliliinermi una immersorneqartarpoq (danskisut)