Ilisimatusarnermut tapiissutit

Nunatsinni Ilisimatusarnermik Siunnersuisoqatigiit anguniagarivaat ilisimatusarnermik ilinniarfiit suliffeqarfiillu siuarsarnissaat ineriartornissallu tapersersussallugit, ilanngullugu ilisimatusarnermik iluarsartuullugu pilersaarusianik aallartisaanissamut aningaasaliissutinik agguaanerminnik Nunatsinni ilisimatusarnermi piginnaasat inerisariartornissaat.

Ilisimatusarnermi immikkoortuni ukunani ilisimatusarnermut aningaasaliissutinik qinnuteqartoqarsinnaavoq:

 

 

PhD-nut aningaasaliissutit

Nalinginnaasumik kandidatinngoreernermi PhD-ngorniarneq ukiuni pingasuni ingerlanneqartarpoq. PhD-mut ilisimatusarnermi aningaasaliissutinik qinnuteqartoqarsinnaavoq, ukiumoortumik Pinngortitaleriffik suleqatigalugu allagarsiissuteqaraangat.

Danskit ilisimatusarnermik oqartussaassuseqarfii aningaasaleeqatigalugit pilersitsinermi isumaqatigiissut najoqqutaralugu Namminersorlutik Oqartussat ilisimatusarnermi ilinniarnermut aningaasaliissutinik pilersitsinikuupput.

 

 

PostDoc

PostDoc nalinginnaasumik PhD naammasseqqammernerani ukiualunnilu tulliuttuni atorfigineqakkajuttarpoq.

 

Inuussutissarsiornermut PhD

Inuussutissarsiornermut PhD ukiut pingasut suliffeqarfimmi sulinissamik siunertaqarluni ilisimatusarneq ingerlanneqartarpoq. Iluarsartuullugu pilersaarusiaq namminersorluni suliffeqarfik, PhD-inngorniaq ilisimatusarfillu suleqatigiillutik ingerlanneqartarpoq. PhD-inngorniaq suliffeqarfimmi atorfeqartinneqartarpoq ilisimatusarfimmullu atassuteqartarluni. PhD-inngorniap sulinini tamaat iluarsartuullu pilersaarusiaq ilinniakkanilu aalluttarpaa, suliffeqarfimmi piffissap affaa sulisarluni piffissallu affaata aappaa ilisimatusarfimmi sulisarluni.

Namminersorlutik Oqartussat Grønlandsbankimilu Inuussutissarsiornermik Aningaasaateqarfik isumaqatigiissutaat najoqqutaralugu suliffeqarfimmi PhD-inngornianut aningaasaleeqatigiittarput. Tassani ilisimatusarfiit tamarmik aningaasaliiffigitinnissamut qinnuteqarfigineqarsinnaapput.

Sullissivik inuussutissarsiornermut PhD pillugu

 

Ilisimatusarnermi siunertaq tamat iluaqutissaat (Pulje C)

Ilanngullugu ilisimatusarnermi siunertaq tamat iluaqutissaannut tapiissutinik Tips-aamma Lottomit aningaasaliissutinut qinnuteqartoqarsinnaavoq. Paasisaqarnerorusukkuit Namminersorlutik Oqartussat Aningaasanoorutit ilaannit aningaasanik agguaassisarneq pillugu tapeeriaatsit, tapiiffigineqarnissamut piumasaqaatit il.il. pillugit Namminersorlutik Oqartussat nalunaarutaat nr. 2, 26. januar 2015-imeersoq takuuk.

Sullissivik Pulje C pillugu

Arktisk Institut

Linkimi uani Forskningsformidlingsprisen Academicus Arcticus pillugu atuarsinnaavat.

Akissarsissut siulleq 10.000,00 kr.
Akissarsissut tulleq 5.000,00 kr.
Akissarsissut pingajuat er 2.500,00 kr.

Allaatigisat danskisut allanneqassapput nassiunneqassallutillu Arktisk Insitut-simut  septembarip 16-iat 2019 nallertinnagu.

 

NordForsk

Suliniutigerusutatut siunnersuutinik nassiusseqqusineq: Ilisimatusartut sumiiffinnilu inuiaqatigiit inoqqaavi pilersitseqatigiinnerannik misissueqqaarluni ilisimatusarneq.

NordForsk-i Issittumi ilisimatusaatitut, pisarneq malillugu sumiiffinnilu ilisimasat aallaavigalugit inuiaqatigiinnik inuuniutaannullu atugassianik kajumissaarilluni saqqummiivoq.

Avannarlerni inaarusiaq 2 mio. norskit koruunii missaaniipput. Taassuma qaavatigut 500.000 norskit koruuniit Nunatsinni suleqatigisanut ilanngullugit suliniutinut aalajangigaapput atugassianngorlugit. Nunani Avannarlerni Nunatsinni suleqatit ilanngullugit mio. aappaa affaq tikillugu (1,5 mio. norskit koruunii) suliniutigerusutanut aningaasaliinissamut annerpaavoq.

Aningaasaliinerut ukununnga atorneqarsinnaapput:

  • nikilertorsinnaaneq attaveqaqatigiinnerlu;
  • ataatsimut ilisimatusarnissamik isumassarsiamik allaqqaakkamik pilersaarusiorneq;
  • ataatsimut sulliveqarnerit;
  • ataatsimut akunniliulluni paasissutissiilluni sammisaqarnerit (qarasaasiakkut) Issittumilu sumiiffinni inuiaqatigiinnut tunniusimaqateqarneq

Nittartakkami uani qinnuteqarnermik ingerlatseriaaseq pillugu atuarsinnaavutit

 

Nutarsaasoq
Arnajaaq Lynge, MSSc