2019

Juuni

Greenland Science Week  / Issittumi Ilisimatusarnerup Ullua – Soqutigisaqaqatigiit ataatsimiinnerisa aappaat

Greenland Week of Science allamik taaguuserneqarpoq Greenland Science Week’imik, tassaavorlu Issittumi arlalinnik sammisaqarluni Nunatsinni ilisimatusarnermik ataatsimeersuarfiusoq, aammattaaq nunat akorngini ilisimatusarnermik suliallit, nunatsinni ilisimatusarnerup inuiaqatigiillu attaveqaateqarfigissavaat.

Sapaatip akunnera immikkoortut marlunnut angisuunut avinneqarpoq, qasertoq qasertorlu qaamasoq.

Qasertoq soqutigisaqaqatigiinnit pilersaarusiorneqassaaq  ataqatigiissaarusuussaallunilu ph.d.-nngorniartumit Verena Huppert, Kommuneqarfik Sermersooq.

Qasertoq qaamasoq tikilluaqqusilluni ilasseqatigiinneq, Issittumi Ilisimatusarnerup Ullua (Polarforskerdag) Katuamilu akunniliulluni paasissutissiineq Aalborg’ip ilisimatusarfiata (Aalborg Universitet – AAU) ataqatigiissassallugu.

Tikilluaqqusilluni ilasseqatigiinneq Ilimmarfimmi pisussaq ataqatigiissaarneqarpoq ilisimatusarnermik ataqatigiissaarisumit Hans Peter Olsen, Ilisimatusarfik aamma allatsimit Arnajaaq Lynge, NIS Allatseqarfik.

Ataqatigiissaarinerit tamarmik iluarsartuullugu pilersaarusianik ataqatigiissaarisoq Allan Peter Olsen Greenland Perspective’imeersoq peqatigalugu ingerlanneqarput.

Saqqummiussaq uani takuuk

 

Maj

NOS-HS – upernaami ataatsimiinneq

NOS-HS – The Joint Committee for Nordic Research Councils in the Humanities and Social Sciences, inulerinermi inuiaqatigiilerinermilu ilisimatusarnermik Nunani Avannarlerni Siunnersuisoqatigiit ataatsimiititaliatut kattuffiusoq Reykjavíkimi Ìslandimiittumi 13-iani Hotel Saga’mi 14-ianilu Ìslandip ilisimatusarfiani Háskóli Ìslands’imi upernaami ataatsimiittoqarpoq.

Lene Kielsen Holm ilaasortatut toqqagaaqqammersoq siunnersuisoqatigiit sinnerlugit peqataavoq, 13-iani sammisat uku oqaluuserisatut ingerlallugit ‘Moderated Orientation and Discussion on NOS-HS’, ‘Application Review Process, Academy of Finland procedure’, ‘Review Form and Ranking Instructions for Panels’, ‘Evaluation of NOS-HS Workshops’ aamma ‘Open access’.

14-iani Lene Kielsen Holm Nunatsinni Ilisimatusarnermik Siunnersuisoqatigiinniit peqatigalugu Annika Sølvará Savalimmiut siunnersuisoqatigiiannit siullertut saqqummersitsipput, tullertullu sammivaat ‘Transfer of Information: Evaluation Procedure Presentations by Each National Research Council’.

Oqaluuserissassat uani takukkit (tuluttut)
Peqataasut allattorsimaffiat uani takuuk

 

Apriili

Hindsgavl 2019 – Ilisimatusarneq ilinniarnerlu pillugit Issittumi sullivik

Issittumi ilisimatusarnermi suleqatigiinnerulernissaq anguniarlugu Aarhus Universitet, Danmarks Tekniske Universitet aamma Københavns Universitet ataatsimoorlutik sulliveqartitsipput

Apriilip arfineq sisamaanni qulinganilu sullivimmi ingerlanneqartumi siulittaasoq Josephine Nymand aamma ilaasortaq Morten Meldgaard peqataapput. Pingaarnertut sammisaavoq:
IPPC klimapanelets rapport 2018 og konsekvenser for Arktis:
Politiske implikationer og forskningsmæssige behov’
(Kal: “Silap pissusaanik paasisimasallit IPPC-mit sassartitat 2018-imit nalunaarusiaat Issittumilu kingunerit: Suliniuteqarnikkut oqaatigiumasat ilisimatusarnermilu pisariaqartitat”)

Pilersaarut uani atuaruk (danskisut)

 

Februaari

Greenland Week of Science / Issittumi Ilisimatusarnerup Ullua (Polarforskerdag) – Soqutigisaqaqatigiit ataatsimiinnerisa siulliat.

Allatsi Arnajaaq Lynge NIS Allatseqarfianiit soqutigisaqaqatigiit Greenland Week of Science pillugu sisamanngornermi 21-ani Ilimmarfiup oqalugiarfiani ataatsimiinneranni peqataavoq.

Greenland Week of Science danskit naalagaaffiannit aningaasaliiffigineqartarunnaartumit Polarforskerdag’iminngaanneerpoq .

Polarforskerdag’i nanginniarlugu Nunatsinnullu nuunniarlugu ilisimasanik, eqqarsaatsinik, unammillernartunik isumassarsianillu Nunatsinni ilisimatusarnerup avatangiisaanullu ilusilersuisinnaasunik siammarteriffiusinnaasumik pilersitsiniarluni Greenland Perspective soqutigisaqaqatigiinnik ujartuivoq.

Greenland Perspective, Ilisimatusarfik, Kommuneqarfik Sermersooq aamma AAU Arctic aaqqissuisooqatigiipput.

Pilersaarutaavoq ataatsimeersuarneq ukiut tamaasa pisassasoq ukiormannalu Nuummi sap. ak. 48 aamma 49 sullivilerlugu, isumasioqatigiinnilerlugu, akunniliulluni paasissutissiinertalerlugu  ilisimatusartoqatigiiaanillu sammisaqartitsinertalerlugu ingerlanneqassalluni.

Oqaluuserisassat uani atuakkit
Greenland Week of Science  pillugu saqqummiussaq uani takuuk
Polarforskerdag 2019’imut pilersaarutaagallartoq uani atuaruk
Nalunaarusiaq uani atuaruk

 

Ilisimatusarnermik Siuarsaanermik aningaasaliissutit pillugit Nunatta nipaa

Tallimanngornermi 15-iani ullaap tungaa Kalaallit Nunaata Radioa’ni aallakaatitassiami Nunatta nipaa’mi Nunatsinni Ilisimatusarnermik Siunnersuisoqatigiit Allatseqarfiani allatsi Arnajaaq Lynge Ilisimatusarnermik Siuarsaanermik aningaasaliissutit pillugit apersorneqarpoq.

Kalaallit Nunaata Radioa'ni aallakaatitassiami Nunatta nipaa'mi allatsi Arnajaaq Lynge Ilisimatusarnermik Siuarsaanermik…

Slået op af NIS Grønlands ForskningsrådFredag den 15. februar 2019

Saamimmit:
Pipaluk Egede Poulsen, Arnajaaq Lynge aamma Andreas Poulsen.

Apersorneqarnera uani tusarnaaruk